ലണ്ടന്‍: വൃദ്ധനായ സിഖുകാരനെ ആക്രമിച്ച ബ്രിട്ടണ്‍ പെണ്‍കുട്ടിയെ പോലീസ്‌ അറസ്റ്റ്‌ ചെയ്തു. മദ്യപിച്ചെത്തിയ പെണ്‍കുട്ടി 80 വയസ്സുകാരനായ വൃദ്ധനെ മര്‍ദ്ദിക്കുകയും അസഭ്യം പറയുകയും ചെയ്യുന്ന ദൃശ്യം സോഷ്യല്‍ മീഡിയാ സൈറ്റുകളില്‍ പ്രത്യക്ഷപ്പെട്ടിരുന്നു. ഈ ദൃശ്യം വ്യാപകമായി പോസ്റ്റും, ഷെയറും ചെയ്തതോടെ ലോകത്തിന്റെ വിവിധഭാഗങ്ങളില്‍ നിന്നും പ്രതിഷേധം ഉണ്ടായി. ഓണ്‍ലൈനില്‍ പ്രചരിച്ച വീഡിയോക്ക്‌ പിന്നാലെയാണ്‌ പോലീസ്‌ പെണ്‍കുട്ടിയെ അറസ്റ്റ്‌ ചെയ്തത്‌.
മദ്യപിച്ചെത്തിയ പെണ്‍കുട്ടി പ്രകോപനങ്ങളൊന്നും കൂടാതെ 80 വയസ്സുള്ള സിഖ്‌ വൃദ്ധന്റെ മുഖത്ത്‌ ഇടിക്കുകയും നിലത്ത്‌ തള്ളിയിടുകയും ചെയ്തു. വീണ്ടും തൊഴിക്കാന്‍ കാല്‍ ഉയര്‍ത്തിയ യുവതിയെ നാട്ടുകാരില്‍ ഒരാള്‍ തടഞ്ഞു. അരിശം തീരാതെ തെറിവിളിച്ച യുവതി ജനം കൂടിയപ്പോള്‍ അവിടെ നിന്നും രക്ഷപ്പെടുകയും ചെയ്യുന്ന ദൃശ്യമാണ്‌ ഓണ്‍ലൈന്‍ വഴി പ്രചരിച്ചത്‌. ആഗസ്റ്റ്‌ 10ന്‌ ലണ്ടനിലെ കോണ്‍വെന്ററി ട്രിനിറ്റി സ്ട്രീറ്റിലെ ബസ്‌ സ്റ്റേഷനിലാണ്‌ സംഭവം.
പ്രതികരിക്കാൻ ഇവിടെ എഴുതുക: