കാസര്‍കോട്‌: വിജേഷ്‌ വധശ്രമക്കേസില്‍ പ്രതികളെ രക്ഷപ്പെടാന്‍ സഹായിച്ച അഞ്ച്‌ പേരെ പോലീസ്‌ അറസ്റ്റ്‌ ചെയ്തു. ഇസ്സത്ത്‌ നഗറിലെ സുലൈമാന്‍ സാബിത്ത്‌ (20), തളങ്കരയിലെ ഫസലുറഹ്മാന്‍ (21), പൊവ്വലിലെ മുഹമ്മദ്‌ ജമാലുദ്ദീന്‍ (23) എന്നിവരെയും പ്രായപൂര്‍ത്തിയാകാത്ത രണ്ടുപേരെയുമാണ്‌ വിദ്യാനഗര്‍ പോലീസ്‌ അറസ്റ്റ്‌ ചെയ്തത്‌. നേരത്തെ വിജേഷിനെ കൊലപ്പെടുത്താന്‍ ശ്രമിച്ച നാല്‌ പേരെ പോലീസ്‌ അറസ്റ്റ്‌ ചെയ്തിരുന്നു. ഇവര്‍ റിമാണ്റ്റിലാണ്‌. പ്രതികളെ രക്ഷപ്പെടുത്താനും തെളിവുനശിപ്പിക്കാനും സഹായിച്ചതിനാണ്‌ ഇന്നലെ അഞ്ച്‌ പേരെ അറസ്റ്റ്‌ ചെയ്തത്‌. പ്രതികള്‍ക്ക്‌ രക്ഷപ്പെടാന്‍ വാഹനം ഒരുക്കിക്കൊടുത്തതും ഇവരാണ്‌. എറണാകുളം ഉള്‍പ്പെടെയുള്ള സ്ഥലങ്ങളിലാണ്‌ പ്രതികള്‍ ഒളിവില്‍ കഴിഞ്ഞത്‌. ഈ മാസം പത്തിന്‌ വൈകിട്ട്‌ ഉളിയത്തടുക്കയില്‍ വെച്ചാണ്‌ വിജേഷിന്‌ കുത്തേറ്റത്‌. ബൈക്കിലെത്തിയ നാലുപേരടങ്ങുന്ന സംഘം ജോലികഴിഞ്ഞ്‌ വരികയായിരുന്ന വിജേഷിനെ തടഞ്ഞുനിര്‍ത്തി കുത്തിക്കൊലപ്പെടുത്താന്‍ ശ്രമിക്കുകയായിരുന്നു. മാരകമായി പരിക്കേറ്റ വിജേഷ്‌ അപകടനില തരണം ചെയ്തെങ്കിലും മംഗലാപുരം സ്വകാര്യ ആശുപത്രിയില്‍ ചികിത്സയിലാണ്‌.
Sunday, November 24, 2024
വിജേഷ്‌ വധശ്രമം; അഞ്ച്‌ പേര്‍ കൂടി അറസ്റ്റില്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: