കൊച്ചി: വൈറ്റില ഗോള്‍ഡ്‌ സൂകില്‍ ഗോള്‍ഡ്‌ സൂക്‌ മഹ ഉത്സവ്‌ ആരംഭിച്ചു. ഡിസംബര്‍ 31ന്‌ അവസാനിക്കും. ഗോള്‍ഡ്‌ സൂക്‌ കൊച്ചിയുടെ കലാസാംസാകാരിക കേന്ദ്രമാക്കുക എന്ന ലക്ഷ്യത്തോടെയാണ്‌ മഹ ഉത്സവ്‌ സംഘടിപ്പിക്കുന്നതെന്ന്‌ അധികൃതര്‍ പറഞ്ഞു. നിപ്പോണ്‍ ടൊയോട്ടയാണ്‌ മുഖ്യ പ്രയോജകര്‍. കിഡ്സ്‌ ഫെസ്റ്റ്‌, ഫാഷന്‍ ഷോ, ഇന്റര്‍ കോളജിയറ്റ്‌, ഇന്റര്‍ സ്കൂള്‍ മത്സരങ്ങള്‍, ഡാന്‍സ്‌, മ്യൂസിക്, റോക്‌ ബാന്റ്‌ മത്സരങ്ങളും നടത്തും.
ഗോള്‍ഡ്‌ സൂക്‌ ഔട്ട്ലെറ്റുകളില്‍ നിന്നും സാധനങ്ങള്‍ വാങ്ങുന്നവര്‍ക്കായി ആഴ്ച തോറും നടക്കുന്ന നറുക്കെടുപ്പിലൂടെ സമ്മാനങ്ങള്‍ നല്‍കും. ഓണം, ക്രിസ്മസ്‌, ബംബര്‍ സമ്മാനമായി നിപ്പോണ്‍ ടൊയോട്ട നല്‍കുന്ന നിപ്പോണ്‍ ടൊയോട്ട ലിവ കാര്‍ ആണ്‌ വിജയിക്ക്‌ നല്‍കുക. വനിതകള്‍ക്ക്‌ പ്രത്യേക പരിഗണന നല്‍കിക്കൊണ്ടുള്ള പദ്ധതികളും നടപ്പാക്കും. മഹ ഉത്സവത്തോട്‌ അനുബന്ധിച്ച്‌ പ്രദര്‍ശന വിപണന മേളയും സംഘടിപ്പിച്ചിട്ടുണ്ട്‌.
പ്രതികരിക്കാൻ ഇവിടെ എഴുതുക: