കാസര്‍കോട്‌: ബിജെപി സംസ്ഥാന ജനറല്‍ സെക്രട്ടറി കെ.സുരേന്ദ്രനെതിരെ വധഭീഷണി മുഴക്കി കത്തയച്ച സംഭവത്തില്‍ സമഗ്ര അന്വേഷണം വേണമെന്ന്‌ ബിജെപി ജില്ലാ പ്രസിഡണ്ട്‌ പി.സുരേഷ്കുമാര്‍ ഷെട്ടി ആവശ്യപ്പെട്ടു. യുഡിഎഫ്‌ ഉന്നത നേതൃത്വത്തിണ്റ്റെ അറിവോടുകൂടിയാണ്‌ ഭീഷണിക്കത്ത്‌ അയച്ചിരിക്കുന്നത്‌. അഴിമതിയിലും സ്വജനപക്ഷപാതത്തിലും മുങ്ങിക്കുളിച്ച യുഡിഎഫ്‌ സര്‍ക്കാറിനെ പൊതുജനമദ്ധ്യത്തില്‍ തുറന്നുകാട്ടുന്നതിലുള്ള വൈരാഗ്യമാണ്‌ ഇതിനുപിന്നില്‍. ഭീഷണിക്കുവഴങ്ങി പിന്തിരിഞ്ഞ പാരമ്പര്യമല്ല ബിജെപിക്കുളളതെന്ന്‌ ഇത്തരക്കാര്‍ ഓര്‍ക്കുന്നത്‌ നല്ലതാണ്‌. ഭീഷണികളെ നേരിട്ടെതിര്‍ത്താണ്‌ ബിജെപി പ്രവര്‍ത്തിക്കുന്നത്‌. സോളാര്‍ അഴിമതി ഉള്‍പ്പെടെയുള്ള വിഷയങ്ങളില്‍ ശക്തമായ നിലപാടുകളോടെ തന്നെ ബിജെപി മുന്നോട്ട്‌ പോകും. സോളാര്‍ അഴിമതി തുറന്നുകാട്ടാന്‍ പ്രധാന പങ്കുവഹിച്ച കെ.സുരേന്ദ്രന്‌ ബിജെപി കാസര്‍കോട്‌ ജില്ലാ കമ്മറ്റി പൂര്‍ണ്ണ പിന്തുണ നല്‍കുമെന്നും അദ്ദേഹം പറഞ്ഞു.
Sunday, November 24, 2024
സുരേന്ദ്രന്‌ വധഭീഷണി: സമഗ്ര അന്വേഷണം വേണം- ബിജെപി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: