ലാഹോര്‍: പാക്കിസ്ഥാനില്‍ മാനഭംഗശ്രമം ചെറുത്ത പെണ്‍കുട്ടിയെ യുവാവ് അഗ്നിക്കിരയാക്കി. പഞ്ചാബ് പ്രവിശ്യയിലെ യഹിം യാര്‍ഖാനിലാണ് ഈ ദാരുണസംഭവം.
കൂട്ടുകാരിയുടെ വീട്ടില്‍ പഠിക്കാനായി എത്തിയ പെണ്‍കുട്ടിയെ കൂട്ടുകാരിയുടെ സഹോദരന്‍ മുഹമ്മദ് ഇംതിയാസ് മാനഭംഗപ്പെടുത്താന്‍ ശ്രമിക്കുകയായിരുന്നു.
ഇതു ചെറുക്കാന്‍ ശ്രമിച്ച പെണ്‍കുട്ടിയെ ഇംതിയാസ് പെട്രോളൊഴിച്ചു തീകൊളുത്തി. ഗുരുതരമായി പൊള്ളലേറ്റ പെണ്‍കുട്ടിയെ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല. സംഭവത്തിനു ശേഷം ഇംതിയാസ് ഒളിവിലാണ്.
പ്രതികരിക്കാൻ ഇവിടെ എഴുതുക: