പറവൂര്‍: ക്ഷീര വികസന വകുപ്പിന്റെയും പറവൂര്‍ ബ്ലോക്ക പഞ്ചായത്തിന്റെയും ബ്ലോക്കിലെ ക്ഷീര സംഘങ്ങളുടെയും സംയുക്താഭിമുഖ്യത്തില്‍ നടത്തുന്ന ക്ഷീര സംഗമം കോട്ടയില്‍ കോവിലകത്ത്‌ ആഗസ്റ്റ്‌ മാസത്തില്‍ നടത്തുന്നതിനായുള്ള സ്വാഗത സംഘം രൂപീകരിച്ചു.
ക്ഷീരസംഗമത്തോടനുബന്ധിച്ച്‌ കന്നുകാലി പ്രദര്‍ശനം, സെമിനാര്‍, പൊതു സമ്മേളനം, കര്‍ഷകരെ ആദരിക്കല്‍, ക്വിസ്‌ മല്‍സരങ്ങള്‍ തുടങ്ങിയവ നടത്തും. വി.ഡി.സതീശന്‍ എം.എല്‍.എ, പറവൂര്‍ ബ്ലോക്ക്‌ പഞ്ചായത്ത്‌ പ്രസിഡന്റ്‌ ശ്രീരഞ്ജിനി വിശ്വനാഥന്‍ എന്നിവര്‍ മുഖ്യരക്ഷാധികാരികളായും വി.പി.സുരേന്ദ്രന്‍ ചെയര്‍മാനും, ക്ഷീര വികസന ഓഫീസര്‍ ജനറല്‍ കണ്‍വിനറുമായി വിവിധ സബ്‌ കമ്മറ്റികളടങ്ങിയ 51 അംഗ സ്വാഗത സംഘമാണ്‌ രൂപീകരിച്ചത്‌.
സ്വാഗത സംഘ രൂപീകരണ യോഗം ബ്ലോക്ക്‌ പഞ്ചായത്ത്‌ പ്രസിഡന്റ്‌ ശ്രീരഞ്ജിനി വിശ്വനാഥന്‍ ഉദ്ഘാടനം ചെയ്തു. ചേണ്ടമംഗലം ഗ്രാമ പഞ്ചായത്ത്‌ പ്രസിഡന്റ്‌ ജോസഫ്‌ ആന്റി ബോയ്‌ അധ്യക്ഷത വഹിച്ചു. ബ്ലോക്ക പഞ്ചായത്ത്‌ വികസന കാര്യ സ്റ്റാന്‍ഡിങ്ങ്‌ കമ്മറ്റി ചെയര്‍ പേഴ്സണ്‍ ഷീജ രാമദാസ്‌, ക്ഷേമ കാര്യ സ്റ്റാന്‍ഡിങ്ങ്‌ കമ്മറ്റി ചെയര്‍മാന്‍ എ.ജി.മുരളി, ബ്ലോക്ക്‌ പഞ്ചായത്തംഗം അഗസ്റ്റിന്‍ ആലപ്പാട്ട്‌, വി.പി.സുരേന്ദ്രന്‍, ബി.എം. ഗോപാലകൃഷ്ണന്‍, പ്രിന്‍സി.എസ്‌.ജോണ്‍, എം.ജി.ശിവദാസ്‌, എം.ബി.സുനില്‍കുമാര്‍ എന്നിവര്‍ യോഗത്തില്‍ സന്നിഹിതരായിരുന്നു.
പ്രതികരിക്കാൻ ഇവിടെ എഴുതുക: