കൊച്ചി : സ്മാര്‍ട്‌ ഫോണ്‍ തങ്ങളുടെ തൊഴില്‍പരമായ ആവശ്യങ്ങള്‍ക്കും വിനോദത്തിനും പരമാവധി ഉപയോഗപ്പെടുത്തുന്നതിന്‌ സഹായകമാവുന്ന ആപ്‌ രൂപകല്‍പന ചെയ്യുന്നതിനുള്ള ആശയങ്ങള്‍ ബ്ലാക്ബെറി ഉപയോക്താക്കളില്‍ നിന്ന്‌ കമ്പനി ക്ഷണിക്കുന്നു. ഏറ്റവും മികച്ച ആശയത്തിന്‌ ബ്ലാക്ബെറി 10 സ്മാര്‍ട്‌ ഫോണ്‍ സമ്മാനമായി ലഭിക്കും.
സ്വപ്ന ആപ്‌ രൂപ കല്‍പന ചെയ്യുന്നതിനുള്ള ആശയങ്ങള്‍ ജൂലൈ 14-നകം http-s:// www.face-book.-com/Blac-kBerry india/app 5053672728 52523?ref=ts-ല്‍ ഓണ്‍ലൈനായി സമര്‍പിക്കണം. ലഭിച്ച ആശയങ്ങളെല്ലാം ഇതേ സൈറ്റില്‍ തന്നെ പൊതുജനങ്ങളുടെ അഭിപ്രായങ്ങള്‍ക്കായി കമ്പനി പ്രദര്‍ശിപ്പിക്കും. ഈ അഭിപ്രായങ്ങള്‍ കൂടി കണക്കിലെടുത്ത ശേഷം ലഭിക്കുന്ന മികച്ച മൂന്ന് ആശയങ്ങളില്‍ നിന്ന്‌ ബ്ലാക്ബെറി ചുമതലപ്പെടുത്തുന്ന വിധികര്‍ത്താക്കള്‍ ഏറ്റവും മികച്ച ഒരെണ്ണം തെരഞ്ഞെടുക്കുന്നതാണ്‌. ഇത് സ്മാര്‍ട്‌ ഫോണ്‍ രൂപകല്‍പന ചെയ്യുന്ന സ്ഥാപനത്തെ ഏല്‍പിക്കും. 8 ആഴ്ച സമയമാണ്‌ രൂപകല്‍പനയ്‌ക്കായി അവര്‍ക്ക്‌ നല്‍കുക. ഇതിനിടയില്‍ ആശയങ്ങള്‍ നല്‍കിയവര്‍ക്ക്‌ പ്രവര്‍ത്തന പുരോഗതി അറിയാനായി https:// www.fa-cebo-ok.-com-/BlackBerryi ndia/app 5053672728 52523?r-ef=ts സന്ദര്‍ശിക്കാവുന്നതാണ്‌.
ഇന്ത്യക്ക്‌ പുറമെ ഇന്തോനേഷ്യ, ഹോങ്കോങ്ങ്‌, മലേഷ്യ, ഫിലിപ്പീന്‍സ്‌, സിങ്കപ്പൂര്‍, തായ്‌വാന്‍, അയര്‍ലന്റ്‌, വിയറ്റ്നാം എന്നീ രാജ്യങ്ങളിലും ബ്ലാക്ബെറി ഡ്രീം ആപ്‌ ഫാക്റ്ററി മല്‍സരം നടത്തുന്നുണ്ട്‌.
പ്രതികരിക്കാൻ ഇവിടെ എഴുതുക: