ന്യൂദല്ഹി: പതിനായിരക്കണക്കിന് തീര്ത്ഥാടകര് അപകടത്തില്പ്പെട്ട പ്രളയക്കെടുതിയില് സേവാപ്രവര്ത്തനങ്ങളുമായി ആര്എസ്എസ് രംഗത്ത്. പതിവുപോലെ സര്ക്കാര് സംവിധാനങ്ങള് അപര്യാപ്തമായതോടെ നൂറുകണക്കിന് ആര്എസ്എസ് പ്രവര്ത്തകര് സേവന ദൗത്യമേറ്റെടുത്ത് പ്രവര്ത്തന സജ്ജമാവുകയായിരുന്നു. ഉത്തരാഞ്ചല് ദൈവി ആപദാ പീഠിത് സഹായത് സമിതി രൂപീകരിച്ച് ദേശവ്യപാകമായ സഹായം തീര്ത്ഥാടകര്ക്കായി ആവശ്യപ്പെട്ടു കഴിഞ്ഞു.
ഉത്തരാഞ്ചല് പ്രാന്ത കാര്യവാഹ് ലക്ഷ്മി പ്രസാദിനാണ് രക്ഷാ പ്രവര്ത്തനങ്ങളുടെ ഏകോപന ചുമതല. ഡറാഡൂണ്,ഹരിദ്വാര്, ഋഷീകേശ്, രുദ്രപ്രയാഗ്, ഉത്തരകാശി എന്നിവിടങ്ങളിലും സമിതി താല്ക്കാലിക ഓഫീസുകള് ആരംഭിച്ചിട്ടുണ്ട്.
ഹിമാലയന് മലനിരകളിലെ തകര്ന്ന റോഡുകളുടെ നിര്മ്മാണ പ്രവര്ത്തനങ്ങളും ആര്എസ്എസ് പ്രവര്ത്തകര് ആരംഭിച്ചുകഴിഞ്ഞു. പ്രളയക്കെടുതി അനുഭവിക്കുന്ന പ്രദേശങ്ങളില് കുടുങ്ങിക്കിടക്കുന്ന തീര്ത്ഥാടകര്ക്ക് ആവശ്യമായ ഭക്ഷണവും വസ്ത്രവും എത്തിക്കുന്നതുള്പ്പെടെയുള്ള പ്രവര്ത്തനങ്ങളും ആര്എസ്എസ് പ്രവര്ത്തകര് നടത്തുന്നുണ്ട്. ദുരന്ത നിവാരണ സേനയ്ക്കും സൈന്യത്തിനുമൊപ്പം ആര്എസ്എസ് പ്രവര്ത്തകര് കൂടി എത്തിയതോടെയാണ് രക്ഷാപ്രവര്ത്തനങ്ങള്ക്ക് ഗതിവേഗം കൂടിയത്.
വിവിധ കേന്ദ്രങ്ങളില് സേവനങ്ങള്ക്കായി ബന്ധപ്പെടേണ്ട വ്യക്തികളുടെ പേരും നമ്പറും ചുവടെ.
ഉത്തരാഞ്ചല് ദൈവി ആപദാ പീഠിത് സഹായത് സമിതി ഓഫീസ്,
ഡെറാഡൂണ്- ഫോണ്: 01352725776, 2624689.
ലക്ഷ്മി പ്രസാദ്,ആര്എസ്എസ്
പ്രാന്തകാര്യവാഹ്-09412056755,
രാംപ്രകാശ്-09410150833,നരേന്ദ്ര-09410339112
ഹരിദ്വാര്-ഡോ.വിജയ്പാല് സിങ്ങ്- 09412979780
ഋഷീകേശ്-ദിനേശ് സെംവാള്-09412320099
രുദ്രപ്രയാഗ്-വിജയ് കപര്വാന്- 09837500926
ഉത്തരകാശി-മനോജ് വര്മ്മ-09897166178
പ്രതികരിക്കാൻ ഇവിടെ എഴുതുക: