കോട്ടയം: ജില്ലാ തല സ്കൂള് പ്രവേശനോത്സവവും കാഞ്ഞിരപ്പള്ളി നിയോജകമണ്ഡലം സമഗ്ര വിദ്യാഭ്യാസ പദ്ധതി ഉദ്ഘാടനവും നാളെ നടക്കുമെന്ന് ഡോ.എന്.ജയരാജ് എംഎല്എ പത്രസമ്മേളനത്തില് അറിയിച്ചു. കാഞ്ഞിരപ്പള്ളി നിയോജകമണ്ഡലത്തിലെ ഒന്നുമുതല് പന്ത്രണ്ടാം ക്ലാസുവരെയുള്ള എല്ലാ വിദ്യാലയങ്ങളിലേയും വിദ്യാര്ത്ഥികള്ക്ക് ഗുണനിലവാരമുള്ള വിദ്യാഭ്യാസം ഉറപ്പുവരുത്തുന്നതാണ് പുറപ്പാട് പദ്ധതി. ഗുണമേന്മാവിദ്യാഭ്യാസം, ശിശുസൗഹൃദ, പരിസ്ഥിതി സൗഹൃദവിദ്യാലയം, സമഗ്ര പോഷകാഹാര പരിപാടി, സമഗ്ര ആരോഗ്യപരിപാടി, ലൈബ്രറി, ലാബ്, ഐടി വികസനം, കുട്ടികളുടെ അവകാശ സംരക്ഷണം, അടിസ്ഥാന സൗകര്യ വികസനം തുടങ്ങിയവ പദ്ധതിയില് ഉള്പ്പടുത്തിയിട്ടുണ്ട്. ആനിക്കാട് സര്ക്കാര് യുപി സ്കൂളില് രാവിലെ 10ന് തുടങ്ങുന്ന സമ്മേളനം മന്ത്രി കെ.എം.മാണി ഉദ്ഘാടനം ചെയ്യും. ആന്റോ ആന്റണി എംപി മുഖ്യപ്രഭാഷണം നടത്തും. ഡോ.എന്.ജയരാജ് എംഎല്എ അദ്ധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്റ് നിര്മ്മലാ ജിമ്മി അക്ഷരദീപം തെളിയിക്കും. ഉച്ചയ്ക്ക് 2ന് ആരോഗ്യബോധവത്കരണ ക്ലാസ്, 2.30ന് പുറപ്പാടിന്റെ അവതരണം എന്നിവയും നടക്കും.
പത്രസമ്മേളനത്തില് കോട്ടയം വിദ്യാഭ്യാസ ഉപഡയറക്ടര്, ജെസി ജോസഫ്, ഡിപിഒ ഇന്ചാര്ജ്ജ് മാണി ജോസഫ്, ഗ്രാമപഞ്ചായത്തംഗം എന്.ഹരി എന്നിവരും പങ്കെടുത്തു.
പ്രതികരിക്കാൻ ഇവിടെ എഴുതുക: