പാലാ: ഡെങ്കിപ്പനി വ്യാപകമായതോടെ രക്തത്തിന് വേണ്ടി നെട്ടോട്ടമോടുന്ന രോഗികളെ സഹായിക്കുവാന് പാലാ ബ്ലഡ്ഫോറത്തിന്റെയും കിഴതടിയൂര് ബാങ്കിന്റെയും സഹകരണത്തോടെ ജനമൈത്രി പോലീസിന്റെ നേതൃത്വത്തില് പാലായില് പോലീസുകാരുടെ മെഗാരക്തദാനം നടത്തി. പാലാ ബ്ലഡ്ഫോറം ചെയര്മാന്കൂടിയായ ഡിവൈഎസ്പി ബിജു കെ. സ്റ്റീഫനും സബ് ഇന്സ്പെക്ടര് സിബി തോമസും ഉള്പ്പെടെ മുപ്പതോളം പോലീസുകാര് രക്തദാനം നടത്തി മാതൃകയായി. പോലീസുകാര് തങ്ങളുടെ ഡ്യൂട്ടിക്കിടയ്ക്ക് വിശ്രമം പോലും എടുക്കാതെയാണ് രക്തദാനം നടത്തിയത്. കേരളത്തില് തന്നെ ആദ്യമായിട്ടാണ് ഒരു സ്റ്റേഷനിലെ പോലീസുകാര് ഒന്നടങ്കം സന്നദ്ധരക്തദാനത്തിന് തയ്യാറാകുന്നത്.
മരിയന് മെഡിക്കല് സെന്ററില് നടന്ന മെഗാ രക്തദാനം മുനിസിപ്പല് ചെയര്മാന് കുര്യാക്കോസ് പടവന് ഉദ്ഘാടനം ചെയ്തു. പാലാ ബ്ലഡ് ഫോറം ജനറല് കണ്വീനര് ഷിബു തെക്കേമറ്റം മുനിസിപ്പല് കൗണ്സിലര്മാരായ സാബു ഏബ്രഹാം, ജോജോ കുടക്കച്ചിറ, മരിയന് മെഡിക്കല് സെന്റര് അഡ്മിനിസ്ട്രേറ്റര് സിസ്റ്റര് ബെന്സി എഫ്സിസി എന്നിവര് പ്രസംഗിച്ചു. ഫോറം ഭാരവാഹികളായ സുനില് തോമസ്, തോമസ് കാവുംപുറം, ബൈജു കൊല്ലംപറമ്പില്, കെ. അശോകന്, നെല്സണ്ഡാന്റെ, സ്ഥിതപ്രജ്ഞന്, മനോജ് പുലിയള്ളില്, അഡീഷണല് എസ്.ഐ ജോസ് കെ.സി, ഗ്രേഡ് എസ്.ഐ ജോസി ബി . ജോണ്, സി. അഗ്നസ് എഫ്സിസി, സി.ബിന്സി എന്നിവര് ക്യാമ്പിന് നേതൃത്വം നല്കി.
രക്തം നല്കി സഹായിക്കുവാന് താല്പര്യമുള്ള ആളുകള് പാലാ ബ്ലഡ്ഫോറത്തില് അംഗങ്ങളാകണമെന്ന് ജനറല് കണ്വീനര് ഷിബു തെക്കേമറ്റവും, സെക്രട്ടറി കെ.ആര് ബാബുവും അഭ്യര്ത്ഥിച്ചു. രജിസ്ട്രേഷനും കൂടുതല് വിവരങ്ങള്ക്കും േഫാണ് : 04822 200313, 9447043388
പ്രതികരിക്കാൻ ഇവിടെ എഴുതുക: