പാലാ: പദ്ധതിവിഹിതം പൂര്ണ്ണമായി വിനിയോഗിച്ച നഗരസഭയെന്ന ചരിത്രനേട്ടം സ്വന്തമാക്കി പാലാ നഗരസഭ. രണ്ടാമത് തവണയാണ് നഗരസഭ ഈ നേട്ടത്തിനര്ഹമാകുന്നത്. എസ്സി ഫണ്ട് ഉള്പ്പെടെ എല്ലാ തുകകളും അതതുമേഖലകളില് തന്നെ പൂര്ണ്ണമായും ചെലവഴിച്ചും പന്ത്രണ്ടാം ധനകാര്യകമീഷന് ഗ്രാന്റ്, ലോകബാങ്ക് ഫണ്ട്, റോഡ്-നോണ്റോഡ് ഫണ്ട് ഇവ നൂറുശതമാനവും ചെലവഴിച്ചുമാണ് നഗരസഭ ലക്ഷ്യം നേടിയതെന്ന് ചെയര്മാന് കുര്യാക്കോസ് പടവന് പത്രസമ്മേളനത്തില് അറിയിച്ചു.
ആഘോഷങ്ങളുടെ ഉദ്ഘടനം ഇന്ന് ഉച്ചയ്ക്ക് 1.30ന് മന്ത്രി കെ.എം.മാണി നിര്വ്വഹിക്കും. ടൗണ്ഹാളില് നടക്കുന്ന സമ്മേളനത്തില് ആഭ്യന്തരമന്ത്രി തിരുവഞ്ചൂര് രാധാകൃഷ്ണന് മുഖ്യാതിഥി ആയിരിക്കും. ജോസ് കെ.മാണി എംപി അദ്ധ്യക്ഷത വഹിക്കും. സംസ്ഥാന തല പുരസ്കാരം നേടിയ കുടുംബശ്രീയെ ജോയി എബ്രാഹം എംപി ആദരിക്കും. ചേമ്പര് ചെയര്മാന് ജമാല് മണക്കാടന്, ചെയര്മാന് കുര്യാക്കോസ് പടവന്, സ്റ്റാന്ഡിംഗ് കമ്മറ്റി അദ്ധ്യക്ഷന് ബിനു പുളിക്കക്കണ്ടം, സംസ്ഥാനത്തെ മറ്റ് നഗരസഭാദ്ധ്യക്ഷന്മാര്, സെക്രട്ടറി എന്.വി.ജയകുമാര് എന്നിവര് സംസാരിക്കും.
പ്രതികരിക്കാൻ ഇവിടെ എഴുതുക: