പൊന്കുന്നം: പ്ലസ്വണ് വിദ്യാര്ത്ഥിനിയെ തട്ടിക്കൊണ്ടുപോയ യുവാവിന് മതതീവ്രവാദ സംഘടനകളുമായുള്ള ബന്ധം അന്വേഷണത്തിന് തടസ്സമാകുന്നു. പൊന്കുന്നം കോയിപ്പള്ളി സ്വദേശിനിയായ പതിനാറുകാരിയെയാണ് അയല്വാസിയും ഓട്ടോ ഡ്രൈവറുമായ റഹിം (20) പ്രണയം നടച്ചും പ്രലോഭിപ്പിച്ചും പ്രേരിപ്പിച്ചും കടത്തിക്കൊണ്ടുപ്പോയി ഒളിവില് താമസിപ്പിച്ചിരിക്കുന്നതായി പരാതി ഉയര്ന്നിരിക്കുന്നത്. കഴിഞ്ഞ 8 ന് രാവിലെ 11 മണിയോടെയാണ് ഓട്ടോ റിക്ഷയിലെത്തിയ റഹിമും കൂട്ടരും പെണ്കുട്ടിയെ വീട്ടില്നിന്നും തട്ടിക്കൊണ്ടുപോയത്. ഈ സമയം പെണ്കുട്ടിയുടെ വല്ല്യമ്മ മാത്രമെ വീട്ടില് ഉണ്ടായിരുന്നുള്ളു. യുവാവിന്റെ മതതീവ്രവാദ ബന്ധം പെണ്കുട്ടിയെ ഒളിവ്ല് താമസിപ്പിക്കുന്നതിനും അന്വേഷണം നിര്ജീവമാക്കുന്നതിനും സഹായകരമാകുന്നതായി ആരോപണമുയര്ന്നിട്ടുണ്ട്. പെണ്കുട്ടിയെ കണ്ടെത്തണമെന്നാവശ്യപ്പെട്ട് പെണ്കുട്ടിയുടെ മാതാപിതാക്കള് 11 ന് ഹൈക്കോടതിയില് ഹേസിയെസ് കോര്പ്പസ് ഹര്ജി നല്കിയിരുന്നു. ഇതേതുടര്ന്ന് കാണാതായ പെണ്കുട്ടിയെ 16 ന് #ുമ്പ് കണ്ടെത്തി ഹാജരാക്കണമെന്ന് ഹൈക്കോടതി പോലീസിനോട് നിര്ദ്ദേശിച്ചിരുന്നു. എന്നാല് കോടതി നിര്ദ്ദേശം പാലിക്കാത്ത പോലീസ് ഇപ്പോള് കൂടുതല് സമയം ചോദിച്ചിരിക്കുകയാണ്.
പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ടുപോയ കേസില് പോലീസ് തുടരുന്ന അനാസ്ഥ സംശയാസ്പദമാണ്. റഹീമിന് ഒത്താശ ചെയ്ത സുഹൃത്തുക്കളെയും അവരുടെ തീവ്രവാദപശ്ചാത്തലവും അന്വേഷണ വിധേയമാക്കാത്ത പോലീസ് ഓട്ടോറിക്ഷാ കണ്ടെത്തുന്നതില്പോലും പരാജയപ്പെട്ടിരിക്കുകയാണ്. തട്ടിക്കൊണ്ടുപോയിട്ട് രണ്ടാഴ്ച കഴിഞ്ഞിട്ടും കോടതി ഉത്തരവുണ്ടായിട്ടും പൊന്കുന്നം പോലീസ് കാണിക്കുന്ന നിസംഗതയില് പ്രതിഷേധം ശക്തമായിട്ടുണ്ട്. പ്രലോഭിപ്പിച്ചും പ്രേരിപ്പിച്ചും ഭീഷണിപ്പെടുത്തിയുമാണ് റഹിം പെണ്കുട്ടിയെ വശത്താക്കിയതെന്നും മാതാപിതാക്കള് പറയുന്നു. പെണ്കുട്ടിയുടെ കുടുംബം മുമ്പ് താമസിച്ചിരുന്ന കോയിപ്പള്ളിയിലെ വീട്ടില് എത്തിയിരുന്ന ബന്ധുക്കളെ റഹിം സുഹൃത്തുക്കളും കയ്യേറ്റം ചെയ്യുമെന്ന് ഭീഷണിപ്പെടുത്തിയിരുന്നു. പൊന്കുന്നം ടൗണില് വച്ചും മുമ്പ് പെണ്കുട്ടിയുടെ മാതാപിതാക്കളെ റഹിം ഭീഷണിപ്പെടുത്തിയിരുന്നു. റഹിമും പെണ്കുട്ടിയും തമിഴ്നാടിനോട് ചേര്ന്നുള്ള ഭാഗങ്ങളിലുള്ളതായാണ് സൂചന. കഴിഞ്ഞ നാല് ദിവസം മുമ്പ് ഇടുക്കി ജില്ലയില് രാമക്കല്മേട് വിനോദസഞ്ചാരകേന്ദ്രത്തില് ഇവരെത്തിയിരുന്നതായും വിവരമുണ്ട്.
