കൊച്ചി: എമിറേറ്റ്സ്‌ ആഗസ്റ്റ്‌ വരെ ദുബായ്‌ സന്ദര്‍ശിക്കുന്നതിന്‌ യാത്രക്കാര്‍ക്ക്‌ താങ്ങാവുന്ന നിരക്കിലുള്ള പ്രത്യേക ആനുകൂല്യങ്ങള്‍ പ്രഖ്യാപിച്ചു. അറേബ്യന്‍ കടലും വൈവിധ്യമാര്‍ന്ന ഭക്ഷണശാലകളും മരുഭൂമിയിലെ സാഹസിക യാത്രകളും അടക്കം സഞ്ചാരികളെ ഓരോ തവണയും പ്രതീക്ഷകള്‍ക്കപ്പുറത്തേക്കു നയിക്കുന്ന ചരിത്രമാണു ദുബായിക്കുള്ളത്‌. കുടുംബ സമേതം ആസ്വദിക്കാനാവുന്ന വാട്ടര്‍ പാര്‍ക്കുകള്‍, അമ്യൂസ്മെന്റ്‌ പാര്‍ക്കുകള്‍ തുടങ്ങി ആകര്‍ഷകമായ ഷോപ്പിങ്‌ അവസരങ്ങള്‍, നവീന ഭക്ഷണശാലകള്‍, ഫൈവ്‌ സ്റ്റാര്‍ ആഡംബരങ്ങള്‍ എന്നിങ്ങനെ നിരവധി ആകര്‍ഷണങ്ങളാണീ കോസ്മോപൊളിറ്റന്‍ സിറ്റിയിലുള്ളത്‌.
ദുബായിയുടെ ഈ ആകര്‍ഷണങ്ങളെല്ലാം ബജറ്റിനിണങ്ങും വിധം ആസ്വദിക്കാനുള്ള അവസരമാണ്‌ പ്രത്യേക നിരക്കുകളിലൂടെ എമിറേറ്റ്സ്‌ ലഭ്യമാക്കുന്നത്‌. ഇതോടൊപ്പം എമിറേറ്റ്സിന്റെ അവാര്‍ഡ്‌ വിജയത്തിനര്‍ഹമായ വിമാനത്തിനുള്ളിലെ സൗകര്യങ്ങളും യാത്രക്കാര്‍ക്ക്‌ ആസ്വദിക്കാം.
കൊച്ചിയില്‍ നിന്നുള്ള യാത്രക്കാര്‍ക്ക്‌ ട്വിന്‍ ഷെയറിങ്‌ അടിസ്ഥാനത്തില്‍ ഒരാള്‍ക്ക്‌ 33,160 രൂപ മുതലുള്ള അവധിക്കാല പാക്കേജുകളാണ്‌ എമിറേറ്റ്സ്‌ അവതരിപ്പിക്കുന്നത്‌. മൂന്നു രാത്രികളിലെ താമസവും ബുഫേ ബ്രേക്ക്ഫാസ്റ്റും, ദുബായ്‌ അന്താരാഷ്‌ട്ര വിമാനത്താവളത്തില്‍ എത്തുമ്പോള്‍ മീറ്റ്‌ ആന്റ്‌ അസിസ്റ്റ്‌ സൗകര്യം, വിമാനത്താവളത്തില്‍ നിന്നു ഹോട്ടലിലേക്കും തിരിച്ചുമുള്ള യാത്ര, വിമാനത്താവള നികുതികള്‍, സേവന നികുതികള്‍ എന്നിവ അടക്കമാണ്‌ ഈ പാക്കേജ്‌. ഈ ഓഫറില്‍ വിസ ഫീസ്‌ ഉള്‍പ്പെടുത്തിയിട്ടില്ല.
2013 ഏപ്രില്‍ 15 മുതല്‍ ആഗസ്റ്റ്‌ അഞ്ചു വരെയുള്ള യാത്രകള്‍ക്കു വേണ്ടിയുള്ള ഈ ഓഫര്‍ എല്ലാ പുതിയ ബുക്കിങ്ങുകള്‍ക്കും ബാധകമാണ്‌. ബന്ധപ്പെട്ട നിബന്ധനകളും ഇതിനു ബാധകമാണ്‌.
പ്രതികരിക്കാൻ ഇവിടെ എഴുതുക: