കോട്ടയം: സ്വാമി വിവേകാനന്ദന്റെ പ്രബോധനങ്ങളുടെ അന്തഃസത്ത ഉള്ക്കൊള്ളാന് യുവതലമുറയ്ക്ക് കഴിയണമെന്ന് ജില്ലാ പഞ്ചായത്ത് പ്രസിഡന്റ് രാധാ വി. നായര് പറഞ്ഞു. സ്വാമി വിവേകാനന്ദന്റെ 150-ാം ജന്മവാര്ഷികത്തോടനുബന്ധിച്ച് ഇന്ഫര്മേഷന് പബ്ലിക് റിലേഷന്സ്, വിദ്യാഭ്യാസ വകുപ്പുകള് സംയുക്തമായി ജില്ലാതലത്തില് സ്കൂള് വിദ്യാര്ഥികള്ക്കുവേണ്ടി സംഘടിപ്പിച്ച ക്വിസ് മത്സരത്തിലെ വി ജയികള്ക്ക് സമ്മാനം വിതര ണം ചെയ്യുന്ന ചടങ്ങില് സം സാരിക്കുകയായിരുന്നു ജില്ലാ പഞ്ചായത്ത് പ്രസിഡന്റ്.
കോട്ടയം എം.റ്റി. സെമിനാരി സ്കൂ ളില് നടന്ന ചടങ്ങില് മുനിസിപ്പല് ചെയ ര്മാന് എം.പി. സന്തോഷ്കുമാര് അധ്യക്ഷത വഹിച്ചു. ജില്ലാ കളക്ടര് മിനി ആ ന്റണി വിശിഷ്ടാതിഥിയായിരുന്നു. വിദ്യാഭ്യാസ ഡെപ്യൂട്ടി ഡയറക്ടര് ജെസി ജോ സഫ് മുഖ്യപ്രഭാഷണം നടത്തി. പ്രൊഫ. ഒ.എം. മാത്യു വിവേകാനന്ദ സന്ദേശം നല്കി.
എം.റ്റി സെമിനാരി സ്കൂള് പ്രിന്സിപ്പല് കുരുവിള മാത്യു, ഹെഡ്മിസ്ട്രസ് അച്ചാമ്മ സ്കറിയ, ഭാരതീയ വിചാരകേന്ദ്രം ജില്ലാ പ്രസിഡന്റ് പി.ആര്. ശശികുമാര് എന്നിവര് പ്രസംഗിച്ചു. ജില്ലാ ഇന്ഫര്മേഷന് ഓഫീസര് എസ്.ആര്. പ്രവീണ് സ്വാഗതവും അസിസ്റ്റന്റ് ഇന്ഫര്മേഷന് ഓഫീസര് ജസ്റ്റിന് ജോസഫ് നന്ദിയും പറഞ്ഞു.
‘സ്വാമി വിവേകാനന്ദന്റെ ജീവിതവും ദര്ശനങ്ങളും’ എന്ന വിഷയത്തെ ആസ്പദമാക്കി സ്കൂള് വിദ്യാര്ഥികള്ക്കുവേണ്ടി നടത്തിയ ജില്ലാതല ക്വിസ് മത്സരത്തിലെ വിജയികള്ക്ക് ജില്ലാ പഞ്ചായത്ത് പ്രസിഡന്റ് കാഷ് അവാര്ഡ്, ട്രോഫി, സര്ട്ടിഫിക്കറ്റ് എന്നിവ വിതരണം ചെയ്തു. കുറുമ്പനാടം സെന്റ് പീറ്റേഴ്സ് സ്കൂളിലെ പ്രതീഷ് ജോസഫ്, കോരുത്തോട് സെന്റ് ജോര്ജ് സ്കൂളിലെ ഡോണ മാത്യു, വെട്ടിമുകള് സെന്റ് പോള്സ് സ്കൂളിലെ ധന്യ മോഹന്രാജ് എന്നിവരാണ് മത്സരത്തില് യഥാക്രമം ഒന്നു മുതല് മൂന്നുവരെ സ്ഥാനങ്ങള് നേടിയത്.
പ്രതികരിക്കാൻ ഇവിടെ എഴുതുക: