ലണ്ടന്‍: കനത്ത മഞ്ഞുവീഴ്‌ച്ചയെ തുടര്‍ന്ന് ലണ്ടനിലെ ഹീത്രു എയര്‍പോര്‍ട്ടില്‍ നിന്നുള്ള 260 വിമാനസര്‍വ്വീസുകള്‍ റദ്ദാക്കി. കഴിഞ്ഞ വെള്ളിയാഴ്‌ച്ച മുതല്‍ ആരംഭിച്ച മഞ്ഞുവീഴ്ച്ച ഇതിനകം എയര്‍പോര്‍ട്ടില്‍ നിന്നുള്ള നിരവധി സര്‍വ്വീസുകളെ ബാധിച്ചിരുന്നു.
യൂറോപ്പിലെ ഏറ്റവും തിരക്കേറിയ എയര്‍പോര്‍ട്ടാണ് ഹീത്രു. വരും ദിനങ്ങളില്‍ കൂടുതല്‍ സര്‍വ്വീസുകള്‍ റദ്ദാക്കുമെന്നാണ് എയര്‍പോര്‍ട്ട് അധികൃതര്‍ നല്‍കുന്ന വിവരം. മഞ്ഞ് വീഴ്‌ച്ച ഒരാഴ്‌ച്ച കൂടി തുടരുമെന്ന് കാലാവസ്ഥ വിദഗ്ധര്‍ അറിയിച്ചു. 2010 ഡിസംബറില്‍ കനത്ത മഞ്ഞ് വീഴ്‌ച്ചയെ തുടര്‍ന്ന് നിരവധി സര്‍വ്വീസുകള്‍ റദ്ദാക്കിയിരുന്നു.
2012ല്‍ മാത്രം 47 മില്യണ്‍ ആളുകളാണ് ഹീത്രു എയര്‍പോര്‍ട്ട് വഴി യാത്ര ചെയ്തത്. കനത്ത മഞ്ഞ് വീഴ്‌ച്ചയെ തുടര്‍ന്ന് യൂറോപ്പിലെ തിരക്കേറിയ മൂന്നാമത്തെ എയര്‍പോര്‍ട്ടായ ജര്‍മ്മനിയിലെ ഫ്രാങ്ക്ഫുര്‍ട്ട് എയര്‍പോര്‍ട്ടില്‍ നിന്നുള്ള 292 സര്‍വ്വീസുകള്‍ ഞായറാഴ്‌ച്ച റദ്ദാക്കിയിരുന്നു.
പ്രതികരിക്കാൻ ഇവിടെ എഴുതുക: