കണ്ണൂറ്‍: എബിവിപി പ്രവര്‍ത്തകന്‍ സച്ചിന്‍ വധത്തില്‍ ഗൂഢാലോചകരായ പോപ്പുലര്‍ ഫ്രണ്ട്‌ നേതാക്കളെ അറസ്റ്റ്‌ ചെയ്യാന്‍ പോലീസ്‌ തയ്യാറാവണമെന്ന്‌ എബിവിപി സംസ്ഥാന സമിതി അംഗം സി.അനുജിത്ത്‌ ആവശ്യപ്പെട്ടു. ഷുക്കൂറ്‍ വധം അന്വേഷിച്ച അതേ സംഘം തന്നെയാണ്‌ സച്ചിന്‍ വധവും അന്വേഷിക്കുന്നത്‌. എന്നാല്‍ ഷുക്കൂറ്‍ വധക്കേസില്‍ കാണിച്ച താല്‍പ്പര്യം സച്ചിന്‍ വധത്തില്‍ പോലീസ്‌ കാണിക്കുന്നില്ലെന്നും അദ്ദേഹം ആരോപിച്ചു. സച്ചിന്‍ വധക്കേസില്‍ ഗൂഢാലോചന കുറ്റം ചുമത്തി ഒരാളെ മാത്രമേ പോലീസ്‌ അറസ്റ്റ്‌ ചെയ്തിട്ടുള്ളൂ. സംഭവം കഴിഞ്ഞ്‌ മാസങ്ങള്‍ കഴിഞ്ഞിട്ടും മുഴുവന്‍ പ്രതികളെയും പോലീസ്‌ അറസ്റ്റ്‌ ചെയ്യാത്തത്‌ ഇരട്ടത്താപ്പാണെന്നും അനുജിത്ത്‌ പറഞ്ഞു. യോഗത്തില്‍ ജില്ലാ കണ്‍വീനര്‍ കെ.രഞ്ജിത്ത്‌ അധ്യക്ഷത വഹിച്ചു. എ.രജിലേഷ്‌, അനൂപ്‌ മട്ടന്നൂറ്‍ എന്നിവര്‍ സംസാരിച്ചു.
Tuesday, November 26, 2024
സച്ചിന്‍ വധം; പോപ്പ്‌. ഫ്രണ്ട്‌ നേതാക്കളെ അറസ്റ്റ്‌ ചെയ്യണം: എബിവിപി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: