തലശ്ശേരി: സ്വര്‍ഗ്ഗീയ കെ.ടി.ജയകൃഷ്ണന്‍ മാസ്റ്റര്‍ ബലിദാന്‍ ദിനമായ ഇന്ന്‌ തലശ്ശേരിയില്‍ നടക്കുന്ന യുവജന റാലിയുടെ ഭാഗമായി നാടും നഗരവും കുങ്കുമഹരിത വര്‍ണ്ണങ്ങളാല്‍ അലംകൃതമായി. നഗരം നിറയെ ഫ്ളക്സ്‌ ബോര്‍ഡുകളും ബാനറുകളും ബിജെപി പതാകകളും തോരണങ്ങളും നിറഞ്ഞുകഴിഞ്ഞു. ജില്ലയുടെ വിവിധ ഭാഗങ്ങളില്‍ നിന്നെത്തിയ ബലിദാന്‍ ജ്യോതിയാത്രകളും പതാക, കൊടിമര, ഛായാചിത്ര വാഹിനികളും ഇന്നലെ സായം സന്ധ്യക്ക്‌ തലശ്ശേരിയിലെത്തിച്ചേര്‍ന്നു. ജില്ലയിലെ ബലിദാനികളുടെ സ്മൃതി കുടീരങ്ങളില്‍ നിന്ന് കൊളുത്തിയ ജ്യോതികള്‍ ഇന്നലെ വൈകുന്നേരം തലശ്ശേരി ടൗണ്‍ഹാള്‍ പരിസരത്ത്‌ വെച്ച്‌ സംഗമിച്ച്‌ ഫ്ളൈഓവര്‍, ഒവി റോഡ്‌, പഴയബസ്സ്റ്റാണ്റ്റ്‌, ലോഗന്‍സ്‌ റോഡ്‌ വഴി പൊതുസമ്മേളന വേദിയായ പുതിയ ബസ്സ്റ്റാണ്റ്റ്‌ പരിസരത്ത്‌ തയ്യാറാക്കിയ എം.കെ.ലക്ഷ്മണന്‍ നഗറില്‍ എത്തിച്ചേര്‍ന്നു. ജ്യോതി പ്രയാണങ്ങള്‍ക്ക്‌ സംസ്ഥാന ജില്ലാ മണ്ഡലം നേതാക്കളും നൂറുകണക്കിന്‌ പ്രവര്‍ത്തകരും അണി ചേര്‍ന്നു. ഇന്ന്‌ വൈകുന്നേരം ൪ മണിക്ക്‌ മഞ്ഞോടി കണ്ണിച്ചിറയില്‍ നിന്ന് തുടങ്ങുന്ന യുവജനറാലി കീഴന്തിമുക്ക്‌, ചിറക്കര, ഒവി റോഡ്‌, പഴയബസ്സ്റ്റാണ്റ്റ്‌, ലോഗന്‍സ്‌ റോഡ്‌ വഴിയാണ്‌ തലശ്ശേരി പുതിയബസ്സ്റ്റാണ്റ്റിലെ എം.കെ.ലക്ഷ്മണന്‍ നഗറില്‍ എത്തിച്ചേരും. തുടര്‍ന്ന്‌ പൊതുസമ്മേളനം നടക്കും.
Tuesday, November 26, 2024
ചരിത്രനഗരിയില്‍ ഇന്ന്‌ യുവമോര്‍ച്ചാ ജില്ലാ റാലി; തലശ്ശേരി കാവിക്കടലാകും
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: