കൊച്ചി: ശ്രീകൃഷ്ണജയന്തി ബാലഗോകുലത്തിനെതിരെ പി.സി.വിഷ്ണുനാഥ്‌ എംഎല്‍എയുടെ പരാമര്‍ശവും, വി.ജെ.പൗലോസിന്റെ ശ്രീനാരായണഗുരുവിനെതിരെയുള്ള പരാമര്‍ശവും അപക്വവും, അവജ്ഞയും അര്‍ഹിക്കുന്നതാണെന്ന്‌ കൊച്ചിയില്‍ ചേര്‍ന്ന ഓള്‍ ഇന്ത്യാ വെള്ളാള ഫെഡറേഷന്‍ വിലയിരുത്തി. ഇവരെ പൊതുരംഗത്തു നിന്നും മാറ്റി നിര്‍ത്തണമെന്നും പ്രസിഡന്റ് വേണു കെ.ജി.പിള്ള അഭിപ്രായപ്പെട്ടു. പ്രസിഡന്റ് വേണു.കെ.ജി.പിള്ളയുടെ അദ്ധ്യക്ഷതയില്‍ ചേര്‍ന്ന യോഗത്തില്‍ സെക്രട്ടറി സുബ്രഹ്മണ്യ പിള്ള, ജയനാരായണന്‍ കുട്ടി, മധുസൂദനന്‍പിള്ള എന്നിവര്‍ സംസാരിച്ചു.
നെടുമ്പാശ്ശേരി: വിഷ്ണുനാഥിന്റെ പ്രസ്താവനക്കെതിരെ സംഘപരിവാര്‍ സംഘടനകളുടെ ആഭിമുഖ്യത്തില്‍ പ്രതിഷേധ പ്രകടനം നടത്തി. അത്താണിയില്‍ നടന്ന പ്രതിഷേധത്തിന്‌ ആര്‍എസ്‌എസ്‌ ജില്ലാ സഹകാര്യവാഹ്‌ എം.ടി.മധു, ബിജെപി ആലുവ മണ്ഡലം പ്രസിഡന്റ് എം.എന്‍.ഗോപി, ജില്ലാ ട്രഷറര്‍ ടി.പി.മുരളീധരന്‍, അഡ്വ.പി.ഹരിദാസ്‌, ലാലുവാപ്പാലശ്ശേരി എന്നിവര്‍ നേതൃത്വം നല്‍കി.
പള്ളുരുത്തി: ശ്രീകൃഷ്ണ ജയന്തി ശോഭായാത്രയെ അധിക്ഷേപിച്ച പി.സി.വിഷ്ണുനാഥ്‌ എംഎല്‍എ പ്രസ്താവന പിന്‍വലിച്ച്‌ മുഴുവന്‍ ഹിന്ദുസമൂഹത്തോടും മാപ്പു പറയണമെന്ന്‌ മത്സ്യപ്രവര്‍ത്തകസംഘം ജില്ലാ പ്രസിഡന്റ് കെ.സി.ദയാപരന്‍ ആവശ്യപ്പെട്ടു. സ്വന്തം സംസ്ക്കാരത്തെ പുഛിച്ചവിഷ്ണുനാഥ്‌ ലീഗിനേയും, മറ്റുന്യൂനപക്ഷ സമുദായങ്ങളേയും തൃപ്തിപ്പെടുത്താനാണ്‌ പ്രസ്താവന നടത്തിയിരിക്കുന്നത്‌. വിഷ്ണുനാഥിന്റെ പ്രസ്താവനയെ മത്സ്യപ്രവര്‍ത്തക സംഘം എറണാകുളം ജില്ലാകമ്മറ്റി ശക്തമായി അപലപിച്ചു.
പ്രതികരിക്കാൻ ഇവിടെ എഴുതുക: