ന്യൂദല്‍ഹി: ആഗസ്റ്റില്‍ ഇന്ത്യയുടെ വ്യാവസായിക ഉത്പാദനം 2.7 ശതമാനം ഉയര്‍ന്നു. ഫാക്ടറി, ഖാനന മേഖലകളിലെ ഉത്പാദനത്തിന്റെ അടിസ്ഥാനത്തിലാണ്‌ വ്യാവസായിക ഉത്പാദനം കണക്കാക്കുന്നത്‌. ജൂലൈയിലെ വളര്‍ച്ച 0.2 ശതമാനമായി പുതുക്കി നിശ്ചയിക്കുകയും ചെയ്തു. കഴിഞ്ഞ വര്‍ഷം ആഗസ്റ്റില്‍ ഫാക്ടറി ഉത്പാദന വളര്‍ച്ച 3.4 ശതമാനമായിരുന്നു.
ആഗസ്റ്റില്‍ ഉത്പാദന മേഖലയിലെ വളര്‍ച്ച 2.9 ശതമാനമായിരുന്നു. മുന്‍വര്‍ഷം ഇതേ കാലയളവില്‍ ഇത്‌ 3.9 ശതമാനമായിരുന്നു. ഏപ്രില്‍-ആഗസ്റ്റ്‌ കാലയളവില്‍ ഉത്പാദന മേഖലയിലെ വളര്‍ച്ച താഴ്‌ന്ന നിലയിലായിരുന്നു. 2011-12 ല്‍ ഇതേ കാലയളവിലിത്‌ ആറ്‌ ശതമാനമായിരുന്നു. മൂലധന സാമഗ്രികളുടെ ഉത്പാദനം 1.7 ശതമാനമായി ചുരുങ്ങി. കഴിഞ്ഞ വര്‍ഷം ഇതേ കാലയളവില്‍ ഇത്‌ നാല്‌ ശതമാനമായിരുന്നു.
ഏപ്രില്‍-ആഗസ്റ്റ്‌ കാലയളവില്‍ മൂലധന സാമഗ്രികളുടെ ഉത്പാദനം 13.8 ശതമാനമായി ചുരുങ്ങി. മുന്‍വര്‍ഷം ഇതേ കാലയളവില്‍ 7.3 ശതമാനമായിരുന്നു വളര്‍ച്ച. നടപ്പ്‌ സാമ്പത്തിക വര്‍ഷം ആഗസ്റ്റില്‍ ഖാനന മേഖലയിലെ വളര്‍ച്ച രണ്ട്‌ ശതമാനമായിരുന്നു. കഴിഞ്ഞ വര്‍ഷം ഇതേ കാലയളവിലെ വളര്‍ച്ച 5.5 ശതമാനമായി ചുരുങ്ങിയിരുന്നു. ഉപഭോഗ ഉത്പന്നങ്ങളുടെ ഉത്പാദനം അഞ്ച്‌ ശതമാനമായി ഉയര്‍ന്നു.
കഴിഞ്ഞ വര്‍ഷം ആഗസ്റ്റില്‍ 2.1 ശതമാനമായിരുന്നു വളര്‍ച്ച. നടപ്പ്‌ സാമ്പത്തിക വര്‍ഷം ഏപ്രില്‍-ആഗസ്റ്റ്‌ കാലയളവില്‍ വളര്‍ച്ച 3.5 ശതമാനമായിരുന്നു.
പ്രതികരിക്കാൻ ഇവിടെ എഴുതുക: