മുണ്ടക്കയം: മുണ്ടക്കയം ടൗണില്‍ പട്ടാപ്പകല്‍ ജീവനക്കാരിയെ കബളിപ്പിച്ച് പണം തട്ടിയ യുവാവ് കടന്നു കളഞ്ഞു. ഷാസ്ബില്‍ഡിംഗ്‌സില്‍ പ്രവര്‍ത്തിക്കുന്ന ആല്‍ഫിയ ട്രാവല്‍സ് എന്ന സ്ഥാപനത്തിലെ ജീവനക്കാരിയാണ് തട്ടിപ്പിനിരയായത്. പതിനൊന്നേ മുക്കാലോടെ സ്ഥാപനത്തില്‍ വന്ന യുവാവ് സ്ഥാപന ഉടമ നൗഷാദ് വെബ്ലിയെ അന്വേഷിച്ചപ്പോള്‍ നൗഷാദ് എറണാകുളത്തിന് പോയിരിക്കുകയാണെന്ന് ജീവനക്കാരി അറിയിച്ചു. തുടര്‍ന്ന് നൗഷാദ് വെംബ്ലിയെ ഫോണില്‍ ബന്ധപ്പെടുന്നതിനായി അഭിനയിച്ച യുവാവ് പാസ്‌പോര്‍ട്ട് സംബന്ധിച്ച് നാലായിരം രൂപ തന്നെ ഏല്‍പിക്കാന്‍ നൗഷാദ് പറഞ്ഞതായി ജീവനക്കാരിയെ അറിയിച്ചു. നാലായിരം രൂപ യുവാവിനെ ഏല്‍പിച്ചതിന് ശേഷം നൗഷാദിനെ ഫോണില്‍ ബന്ധപ്പെട്ടപ്പോഴാണ് താന്‍ കബളിപ്പിക്കപ്പെട്ടതായി ജീവനക്കാരിക്ക് മനസ്സിലായത്. തുടര്‍ന്ന് ടൗണ്‍ മുഴുവന്‍ യുവാവിനെ അന്വേഷിച്ചിട്ടും കണ്ടെത്താന്‍ സാധിച്ചില്ല. 30 നും 40 നും ഇടയില്‍ പ്രായം വരുന്ന വെളുത്ത നിറമുള്ളയാളാണ് തന്നെ കബളിപ്പിച്ചതെന്ന് ജീവനക്കാരി പറഞ്ഞു. മുണ്ടക്കയം പോലീസ് സംഭവത്തെക്കുറിച്ച് അന്വേഷണം തുടങ്ങി.
Thursday, January 30, 2025
പട്ടാപ്പകല്‍ ജീവനക്കാരിയെ കബളിപ്പിച്ച് പണം തട്ടി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: