തലശ്ശേരി: പി.ജയരാജനെ അറസ്റ്റ്‌ ചെയ്തതില്‍ പ്രതിഷേധിച്ച്‌ തലശ്ശേരി ഡിവൈഎസ്പി ഓഫീസ്‌ അക്രമിച്ച കേസില്‍ പ്രതിയായ സിപിഎം തലശ്ശേരി ഏരിയാ സെക്രട്ടറി എം.സി.പവിത്രനെ തലശ്ശേരി എസ്‌ഐ ബിജു ജോണ്‍ ലൂക്കോസ്‌ അറസ്റ്റ്‌ ചെയ്തു. ഇന്നലെ വൈകുന്നേരം തലശ്ശേരി താലൂക്ക്‌ ഓഫീസ്‌ പരിസരത്ത്‌ വെച്ചാണ്‌ അറസ്റ്റ്‌ ചെയ്തത്‌. ശ്രീകണ്ഠപുരം: ശ്രീകണ്ഠപുരം പോലീസ്സ്റ്റേഷന്‍ മാര്‍ച്ചിനിടയില്‍ പോലീസിനെ അക്രമിച്ച കേസില്‍ എസ്‌എഫ്‌ഐ മുന്‍ സംസ്ഥാന പ്രസിഡണ്ട്‌ ഉള്‍പ്പെടെ മൂന്നുപേരെ ശ്രീകണ്ഠപുരം പോലീസ്‌ അറസ്റ്റ്‌ ചെയ്തു. എസ്‌എഫ്‌ഐ മുന്‍ സംസ്ഥാന പ്രസിഡണ്ടും ഇപ്പോള്‍ സംസ്ഥാനകമ്മറ്റി അംഗവുമായ കെ.വി.സുമേഷ്‌ (൩൨), ഡിവൈഎഫ്ഐ ശ്രീകണ്ഠപുരം ബ്ളോക്ക്‌ സെക്രട്ടറി ഷിനോജ്‌ (൨൭), തയ്യില്‍ വീട്ടില്‍ നാരായണന്‍ (൪൦) എന്നിവരാണ്‌ അറസ്റ്റിലായത്‌. കൂത്തുപറമ്പ്‌: കൂത്തുപറമ്പ്‌ പോലീസ്സ്റ്റേഷന്‍ അക്രമവുമായി ബന്ധപ്പെട്ട്‌ രണ്ട്‌ സിപിഎം പ്രവര്‍ത്തകര്‍ അറസ്റ്റിലായി. കുനിയില്‍ പാലത്തെ കെ.ഷമീര്‍ (൨൫), പി.എം.അനുരാഗ്‌ (൨൩) എന്നിവരെയാണ്‌ കൂത്തുപറമ്പ്‌ എസ്‌ഐ മധുമദന്‍ അറസ്റ്റ്‌ ചെയ്തത്‌. വിവിധ സ്ഥലങ്ങളില്‍ നിന്നെല്ലാം അറസ്റ്റ്‌ ചെയ്യപ്പെട്ടവരെ കോടതി റിമാണ്റ്റ്‌ ചെയ്തു.
Tuesday, November 26, 2024
അക്രമ കേസില്‍ സിപിഎം തലശ്ശേരി ഏരിയാ സെക്രട്ടറിയും എസ്‌എഫ്‌ ഐ നേതാവും അറസ്റ്റില്‍ത
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: