കളമശ്ശേരി: ബിഎംഎസ്‌ സ്ഥാപനദിന ആഘോഷവും, കളമശ്ശേരി മേഖലാ സമ്മേളനവും ഏലൂരില്‍ നടന്നു. ഐആര്‍ഇ ഗേറ്റില്‍ നിന്നും ആരംഭിച്ച പ്രകടനത്തില്‍ നിരവധി സ്ത്രീകള്‍ അടക്കം നൂറ്‌ കണക്കിന്‌ തൊഴിലാളികള്‍ പങ്കെടുത്തു.
പ്രകടനത്തിന്‌ ശേഷം ഏലൂര്‍ എസ്സിഎസ്‌ മേനോന്‍ ഹാളില്‍ ചേര്‍ന്ന പൊതുസമ്മേളനം ബിഎംഎസ്‌ സംസ്ഥാന സെക്രട്ടറി എന്‍.കെ.മോഹന്‍ദാസ്‌ ഉദ്ഘാടനം ചെയ്തു. മേഖലാ പ്രസിഡന്റ്‌ ടി.ഡി.ജോഷി അദ്ധ്യക്ഷത വഹിച്ചു. ആര്‍.വി.ജയകുമാര്‍, വി.വി.പ്രകാശന്‍, ടി.എ.വേണുഗോപാല്‍, ടി.ആര്‍.മോഹനന്‍, പി.വി.ശ്രീവിജി എന്നിവര്‍ പ്രസംഗിച്ചു. പുതിയ ഭാരവാഹികളായി ടി.ഡി.ജോഷി (പ്രസിഡന്റ്‌), എം.ജി.ശിവശങ്കരന്‍ , സി.ആര്‍.സുബാഷ്‌ (വൈസ്‌ പ്രസിഡന്റുമാര്‍), ടി.എ.വേണുഗോപാല്‍ (സെക്രട്ടറി), പി.വി.ശ്രീവിജി ,മ എ.ജെ.വര്‍ഗീസ്‌ (ജോയിന്റ്‌ സെക്രട്ടറിമാര്‍), ടി.ആര്‍.മോഹനന്‍ (ഖജാന്‍ജി) എന്നിവരെ തെരഞ്ഞെടുത്തു.
ആലുവ: ബിഎംഎസിന്റെ സ്ഥാപന ദിനത്തോടനുബന്ധിച്ച്‌ എടയാര്‍ ബിനാനി ഗേറ്റില്‍ നടന്ന സമ്മേളനം ജില്ലാ ജോയിന്റ്‌ സെക്രട്ടറി കെ.എ.പ്രഭാകരന്‍ ഉദ്ഘാടനം ചെയ്തു. തൊഴിലാളി വെല്‍ഫെയര്‍ ഫണ്ട്‌ ഉദ്ഘാടനം ജില്ലാ പ്രസിഡന്റ്‌ വി.ഡി.ഉണ്ണികൃഷ്ണന്‍ നിര്‍വഹിച്ചു. എസ്‌എസ്‌എല്‍സി പരീക്ഷയ്‌ക്ക്‌ ഉയര്‍ന്ന മാര്‍ക്ക്‌ വാങ്ങിയ അക്ഷയ്‌ ശിവന്‌ പാരിതോഷികവും കുട്ടികള്‍ക്ക്‌ പഠനോപകരണങ്ങളും വിതരണം ചെയ്തു. ജില്ലാ വൈസ്‌ പ്രസിഡന്റ്‌ വി.വി.പ്രകാശന്‍, എന്‍.പി.പ്രഭാകരന്‍, വി.എം.ഗോപി, കെ.ദാസന്‍, കെ.എം.മോഹനന്‍, ടി.കെ.സുധി എന്നിവര്‍ പ്രസംഗിച്ചു.
പ്രതികരിക്കാൻ ഇവിടെ എഴുതുക: