പള്ളുരുത്തി: പ്ലസ്ടു വിദ്യാര്‍ത്ഥിയായ മകളെ പീഡിപ്പിച്ച പിതാവിനെ പോലീസ്‌ അറസ്റ്റ്‌ ചെയ്തു. കണ്ണമാലി കുരിശുപറമ്പില്‍ വീട്ടില്‍ ഷിജി എന്ന് വിളിക്കുന്ന ജോര്‍ജ്‌ (37)ആണ്‌ അറസ്റ്റിലായത്‌. കഴിഞ്ഞ രണ്ട്‌ വര്‍ഷമായി പ്ലസ്ടുവിന്‌ പഠിക്കുന്ന മകളെ ഇയാള്‍ നിരന്തരം പീഡിപ്പിച്ചുവരികയായിരുന്നുവെന്ന്‌ പറയുന്നു. ബന്ധുക്കളും നാട്ടുകാരും പോലീസില്‍ നല്‍കിയ പരാതിയുടെ അടിസ്ഥാനത്തിലാണ്‌ ഇയാള്‍ അറസ്റ്റിലാകുന്നത്‌.
മകളെ പീഡിപ്പിച്ച രംഗങ്ങള്‍ ഇയാള്‍ മൊബെയിലില്‍ പകര്‍ത്തിയിരുന്നു. ഇയാളുടെ മെമ്മറികാര്‍ഡ്‌ നഷ്ടപ്പെടുകയും ദൃശ്യങ്ങള്‍ നാട്ടില്‍ പ്രചരിക്കുകയും ചെയ്തതോടെയാണ്‌ സംഭവം നാട്ടുകാര്‍ അറിയുന്നത്‌. പത്താംക്ലാസില്‍ പഠിക്കുമ്പോള്‍ മുതല്‍ ഇയാള്‍ മകളെ പീഡിപ്പിച്ചുവരികയായിരുന്നുവെന്ന്‌ പെണ്‍കുട്ടി പോലീസില്‍ മൊഴി നല്‍കി. ഇയാളുടെ ഭാര്യയെ പരാതി നല്‍കാന്‍ പലരും നിര്‍ബന്ധിച്ചെങ്കിലും ഇവര്‍ തയ്യാറായില്ല. ഇതിനിടയില്‍ സംഭവം അറിഞ്ഞ ഇയാള്‍ കാറില്‍ രക്ഷപ്പെടാന്‍ ശ്രമിച്ചെങ്കിലും നാട്ടുകാര്‍ പിടികൂടി ഹാര്‍ബര്‍ പോലീസിന്‌ കൈമാറുകയായിരുന്നു. കുടുംബവുമൊപ്പം യാത്ര ചെയ്യുമ്പോഴാണ്‌ നാട്ടുകാര്‍ കാര്‍ തടഞ്ഞത്‌. ഇയാള്‍ക്ക്‌ നിരവധി അവിഹിതബന്ധങ്ങളുള്ളതായും പറയുന്നു. കണ്ണമാലി എസ്‌ഐ കെ.എന്‍.രാജേഷും സംഘവുമാണ്‌ ഇയാളെ അറസ്റ്റ്‌ ചെയ്തത്‌.
പ്രതികരിക്കാൻ ഇവിടെ എഴുതുക: