തൃപ്പൂണിത്തുറ: ചെങ്ങന്നൂര്‍ ക്രിസ്ത്യന്‍ കോളേജില്‍ എന്‍ഡിഎഫിന്റെ ഗുണ്ടകളാല്‍ കൊലചെയ്യപ്പെട്ട വിശാലിന്റെ മരണത്തില്‍ പ്രതിഷേധിച്ച്‌ തൃപ്പൂണിത്തുറ ഗവ.ആര്‍എല്‍വി മ്യൂസിക്‌ കോളേജില്‍ പഠിപ്പ്‌ മുടക്കി പ്രതിഷേധിച്ച എബിവിപി വിദ്യാര്‍ത്ഥികളെ എസ്‌എഫ്‌ഐക്കാരും പുറത്തുനിന്ന്‌ വന്ന ഗുണ്ടകളും ചേര്‍ന്ന്‌ ആക്രമിച്ചു. എബിവിപിയുടെ കൊടിമരം തകര്‍ക്കുകയും വിദ്യാര്‍ത്ഥികളായ സജീഷ്‌, വിമല്‍ പി.കെ, ഹരികൃഷ്ണന്‍.ആര്‍, റിജു വര്‍ഗ്ഗീസ്‌ എന്നിവരെ ആക്രമിക്കുകയും ചെയ്തു. പരിക്കേറ്റ വിദ്യാര്‍ത്ഥികളെ തൃപ്പൂണിത്തുറ താലൂക്ക്‌ ആശുപത്രിയില്‍ പ്രവേശിപ്പിച്ചു. സംഭവത്തില്‍ പ്രതിഷേധിച്ച്‌ സംഘപരിവാര്‍ പ്രസ്ഥാനങ്ങളുടെ നേതൃത്വത്തില്‍ നഗരത്തില്‍ പ്രകടനം നടത്തി. പ്രകടനത്തിന്‌ എബിവിപി ജില്ലാ സമിതിയംഗം ശബരിഷ്‌ , ബിഎംഎസ്‌ മേഖലാ സെക്രട്ടറി എം.എസ്‌.വിനോദ്കുമാര്‍, ആര്‍എസ്‌എസ്‌ നേതാക്കളായ ദേവദാസ്‌, പ്രസാദ്‌, ഹിന്ദുഐക്യവേദി താലൂക്ക്‌ കണ്‍വീനര്‍ നവീന്‍, ബിജെപി നേതാക്കളായ പ്രേംകുമാര്‍, രാജേന്ദ്രന്‍ എന്നിവര്‍ നേതൃത്വം നല്‍കി.
Monday, November 25, 2024
പഠിപ്പുമുടക്കിയ വിദ്യാര്‍ത്ഥികളെ എസ്‌എഫ്‌ഐ ഗുണ്ടകള്‍ ആക്രമിച്ചു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: