ലണ്ടന്‍: തീവ്രവാദ ബന്ധമുള്ള ഏഴു പേരെ അറസ്റ്റ് ചെയ്തതായി സ്കോട്ട്‌ലന്‍ഡ് യാര്‍ഡ്‌ അറിയിച്ചു. ബ്രട്ടീഷ്‌ സ്വദേശികളായ യുവാക്കളാണ്‌ അറസ്റ്റിലായത്‌. മൂന്ന്‌ ദിവസങ്ങളില്‍ നടന്ന വാഹന പരിശോധനകള്‍ക്കിടെയാണ്‌ ഇവരെ പിടികൂടിയത്‌.
ആറു പേര്‍ വെസ്റ്റ്‌ മിഡ്‌ലാന്‍ഡില്‍ നിന്നും ഒരാള്‍ യോര്‍ക്ക്ഷേറില്‍ നിന്നുമുള്ളവരാണ്‌. ആയുധങ്ങളും സ്ഫോടക വസ്തുക്കളും കാറിനുള്ളില്‍ ഒളിപ്പിച്ച നിലയില്‍ കണ്ടെത്തിയതായും ഉദ്യോഗസ്ഥര്‍ അറിയിച്ചു. ലണ്ടനില്‍ ഒളിമ്പിക്‌ പാര്‍ക്കിന്‌ സമീപമുള്ള ഒരു വീട്ടില്‍ നിന്നും തീവ്രവാദബന്ധമുള്ള ആറ്‌ പേരെ കഴിഞ്ഞ ദിവസം പിടികൂടിയിരുന്നു. ഇതിനുപിന്നാലെയാണ്‌ സ്കോട്ട്‌ലന്‍ഡ് യാര്‍ഡ്‌ ഇക്കാര്യം വെളിപ്പെടുത്തിയത്‌.
പിടിയിലായവര്‍ ലണ്ടന്‍ ഒളിമ്പിക്സ്‌ ലക്ഷ്യമിട്ടിരുന്നില്ലെന്ന്‌ അധികൃതര്‍ അറിയിച്ചു.
പ്രതികരിക്കാൻ ഇവിടെ എഴുതുക: