കോതമംഗലം: കുട്ടമ്പുഴ ഗ്രാമപഞ്ചായത്തിലെ പന്ത്രണ്ടോളം വരുന്ന ആദിവാസി കോളനികളുടെയും ഗ്രാമപ്രദേശങ്ങളില്‍ വസിക്കുന്ന പതിനായിരത്തോളം വരുന്ന ജനങ്ങളുടെയും ആശ്രയമായിരുന്ന കെഎസ്‌ആര്‍ടിസി രാത്രികാല സര്‍വീസ്‌ നിര്‍ത്തലാക്കിയത്‌ പുനഃസ്ഥാപിക്കണമെന്ന്‌ ആവശ്യപ്പെട്ട്‌ ഹിന്ദുഐക്യവേദി മുഖ്യമന്ത്രിക്കും ഗതാഗത മന്ത്രിക്കും നിവേദനം നല്‍കി.
കഴിഞ്ഞ ഒരു വര്‍ഷമായി ലാഭകരമായി സര്‍വീസ്‌ നടത്തിയിരുന്ന കെഎസ്‌ആര്‍ടിസി പ്രൈവറ്റ്‌ ബസ്‌ ലോബിയുടെ താല്‍പ്പര്യത്തിന്‌ വഴങ്ങിയാണ്‌ നിര്‍ത്തലാക്കിയതെന്ന്‌ ഹിന്ദുഐക്യവേദി ആരോപിച്ചു. യോഗത്തില്‍ അഡ്വ. കെ.രാധാകൃഷ്ണന്‍ അധ്യക്ഷത വഹിച്ചു. ഇ.ടി.നടരാജന്‍, ടി.എന്‍.രാജേഷ്‌, കെ.കെ.ശ്രീധരന്‍, പി.ജി.ശിവദാസ്‌, രാജന്‍ മണികണ്ഠന്‍ചാല്‍ എന്നിവര്‍ സംസാരിച്ചു.
പ്രതികരിക്കാൻ ഇവിടെ എഴുതുക: