കോട്ടയം: വിദ്യാഭ്യാസ പാക്കേജ് സംബന്ധിച്ച്‌ എന്‍.എസ്.എസിന്റെ ബുദ്ധിമുട്ടുകള്‍ പരിഹരിക്കുമെന്ന്‌ മുഖ്യമന്ത്രി ഉമ്മന്‍ചാണ്ടി പറഞ്ഞു. വിദ്യാഭ്യാസ രംഗത്ത്‌ യു.ഡി.എഫ്‌ സര്‍ക്കാര്‍ ചരിത്രപരമായ മാറ്റം ഉണ്ടാക്കിയെന്നും അദ്ദേഹം പറഞ്ഞു.
കോട്ടയം പ്രസ്‌ക്ലബിന്റെ മുഖാമുഖം പരിപാടിയില്‍ സംസാരിക്കുകയായിരുന്നു അദ്ദേഹം. വിമര്‍ശനങ്ങളോട്‌ തനിക്ക്‌ അസഹിഷ്ണുതയില്ല. വിമര്‍ശനം ഏത്‌ വകുപ്പിനെക്കുറിച്ചായാലും ഒളിച്ചോടില്ല. തെറ്റുണ്ടെങ്കില്‍ തിരുത്തി മുന്നോട്ടുപോകുമെന്നും അദ്ദേഹം പറഞ്ഞു. കോണ്‍ഗ്രസോ യു.ഡി.എഫോ ഏതെങ്കിലും ഒരു വിഭാഗത്തിന്റേതു മാത്രമല്ല, എല്ലാവരുടേതാണെന്നും ഉമ്മന്‍ചാണ്ടി പറഞ്ഞു.
ഐസ്‌ക്രീം കേസ്‌ സംബന്ധിച്ച അന്വേഷണത്തില്‍ ആരും ഇടപെട്ടിട്ടില്ല. അന്വേഷണം നേരായ വഴിക്കാണ്‌ നടന്നത്‌. എല്‍.ഡി.എഫ്‌ സര്‍ക്കാര്‍ നിയോഗിച്ച അന്വേഷണ സംഘമാണ്‌ കേസ്‌ അവസാനിപ്പിക്കാന്‍ അനുമതി തേടിയതെന്നും മുഖ്യമന്ത്രി ഒരു ചോദ്യത്തിന്‌ മറുപടിയായി പറഞ്ഞു.
കെ.പി.സി.സി പുന:സംഘടന ഉടന്‍ ഉണ്ടാകും. പിള്ള-ഗണേഷ്‌ തര്‍ക്കം രാഷ്‌ട്രീയപ്രശ്നമല്ല. അങ്ങനെയെങ്കില്‍ നേരത്തെ പരിഹരിക്കാമായിരുന്നെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: