രജിലേഷിണ്റ്റെ മരണം: നാലുപേര്‍ കൂടി അറസ്റ്റില്‍

തൃക്കരിപ്പൂറ്‍: സദാചാര പോലീസ്‌ ചമഞ്ഞ്‌ തട്ടികൊണ്ടുപോയി മര്‍ദ്ദിച്ചതിനെ തുടര്‍ന്ന്‌ മരിച്ച മെട്ടമ്മലിലെ രജിലേഷിണ്റ്റെ മരണത്തിലെ 4പ്രതികളെ കൂടി പോലീസ്‌ പിടികൂടി. മെട്ടമ്മലിലെ എ.ടി.പി.സെമീര്‍കാസിം (20), സി.അബ്ദുള്‍ ബാസിത്‌ (23), കെ.പി.അഷ്‌റഫ്‌ (21), എം.ടി.പി.സാജിദ്‌(22) എന്നിവരെയാണ്‌ നീലേശ്വരം സിഐ സി.കെ.സുനില്‍കുമാറും സംഘവും അറസ്റ്റ്‌ ചെയ്തത്‌. നേരത്തെ ഇതേ കേസില്‍ പ്രധാന പ്രതിയും രജിലേഷിണ്റ്റെ ബിസിനസ്‌ പാര്‍ട്ട്ണറുമായ നിസാര്‍, കെ.സുല്‍ഫിക്കര്‍ (23), സഫീര്‍(22) എന്നിവരെ കോടതി റിമാണ്റ്റ്‌ ചെയ്തിരുന്നു. കേസിലെ മറ്റ്‌ പ്രതികളെ ഉടനെ പിടികൂടുമെന്ന്‌ അന്വേഷണ ഉദ്യോഗസ്ഥര്‍ പറഞ്ഞു. എന്നാല്‍ പ്രതികളില്‍പ്പെട്ട ഉന്നതരുടെ മക്കളെ രക്ഷിച്ചെടുക്കാന്‍ ഭരണതലത്തില്‍ സമ്മര്‍ദ്ദം ചെല്ലുന്നതായി ആരോപണമുയര്‍ന്നിട്ടുണ്ട്‌. കഴിഞ്ഞ 15നാണ്‌ രജിലേഷിണ്റ്റെ ബിസിനസ്‌ പാര്‍ട്ട്ണറായ നിസാര്‍ രജിലേഷിനെ വിളിച്ച്‌ കൊണ്ടുപോയി കായലോരത്ത്‌ വെച്ച്‌ മര്‍ദ്ദിക്കുകയും പിന്നീട്‌ ജഡം താലിച്ചാലം റെയില്‍വേ ഗേറ്റില്‍ റെയില്‍പ്പാളത്തില്‍ കണ്ടെത്തുകയും ചെയ്തത്‌.