ചെര്‍ക്കള : ബേവിഞ്ചയില്‍ രണ്ട്‌ സ്ഥലങ്ങളില്‍ ഇന്നലെ രാവിലെയുണ്ടായ അപകടത്തില്‍ 11 പേര്‍ക്ക്‌ പരിക്കേറ്റു. ജീപ്പും സുമോയും നിയന്ത്രണം വിട്ടാണ്‌ അപകടമുണ്ടായത്‌. ഇന്നലെ രാവിലെ പത്തുമണിയോടെ ബേവിഞ്ച കല്ലുകൂട്ടത്ത്‌ ബെള്ളൂറ്‍ നാട്ടക്കല്ലില്‍ നിന്നും പാലക്കുന്നിലേക്ക്‌ പോകുകയായിരുന്നവര്‍ സഞ്ചരിച്ച ജീപ്പാണ്‌ നിയന്ത്രണം വിട്ട്‌ മറിഞ്ഞത്‌. ജീപ്പിലുണ്ടായിരുന്ന ജയപ്രകാശ്‌, ഗൗരി, രമേശ്‌, വിജയന്‍, ശൈലജ, ആര്യ, എന്നിവര്‍ക്കാണ്‌ പരിക്കേറ്റത്‌. ഇവരെ ചെങ്കള ഇ കെ നായനാര്‍ ആശുപത്രിയില്‍ പ്രവേശിപ്പിച്ചു. ബേവിഞ്ചയില്‍ ഇന്നലെ രാവിലെ ഏഴുമണിയോടെയാണ്‌ സ്കോര്‍പിയോ നിയന്ത്രണം വിട്ട്‌ മറിഞ്ഞത്‌. കൊച്ചിയില്‍ നിന്നും ബാംഗ്ളൂരിലേക്ക്‌ പോകുകയായിരുന്നവരാണ്‌ വാനിലുണ്ടായിരുന്നത്‌. ബാംഗ്ളൂറ്‍ സ്വദേശികളായ ലത്തീഫ്‌ (39), റിയാസ്‌ ഖാന്‍ (38), സല്‍മ (24), സല്‍മ (21) എന്നിവര്‍ക്കാണ്‌ പരിക്കേറ്റത്‌. ഇവരെ ഇ കെ നായനാര്‍ സ്മാരക ആശുപത്രിയില്‍ പ്രവേശിപ്പിച്ചു.
Saturday, November 23, 2024
ജീപ്പും സുമോയും നിയന്ത്രണം വിട്ട്‌ മറിഞ്ഞ്‌ 11 പേര്‍ക്ക്‌ പരിക്ക്‌
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: