റോം: ഇറ്റലിയില്‍ 4200 പേരുമായി പോയ കപ്പല്‍ മുങ്ങി എട്ടു പേര്‍ മരിച്ചു. മുപ്പതോളം പേര്‍ക്ക് പരിക്കേറ്റു. 4000 പേരെ രക്ഷപ്പെടുത്തി സമീപത്തെ തുറമുഖത്തേക്കു മാറ്റിയിട്ടുണ്ട്‌. കാണാതായവര്‍ക്കായി തെരച്ചില്‍ തുടരുകയാണ്‌. കോസ്റ്റ കോണ്‍കോര്‍ഡിയ എന്ന യാത്രാക്കപ്പലാണ്‌ അപകടത്തില്‍പ്പെട്ടത്‌.
ഇറ്റാലിയന്‍ സമയം രാത്രി 9.45നും 10.00നും ഇടയിലായിരുന്നു( ഇന്ത്യന്‍ സമയം പുലര്‍ച്ചെ 2.30) സംഭവം. കപ്പല്‍ ചരിഞ്ഞതിനെ തുടര്‍ന്ന് കടലിലേക്ക് ചാടിയ ഏതാനുംപേരെയാണ് കാണാതായതായത്. മണല്‍ത്തിട്ടയില്‍ ഇടിച്ചാണ് കപ്പല്‍ മുങ്ങിയത്. കപ്പലിലെ വൈദ്യുതി ബന്ധം വിച്ഛേദിക്കപ്പെട്ടതോടെയാണ് യാത്രക്കാര്‍ അപകട വിവരം അറിഞ്ഞത്.
ലൈഫ് ജാക്കറ്റ് ധരിക്കാന്‍ ജീവനക്കാര്‍ നിര്‍ദ്ദേശിച്ചതോടെ യാത്രക്കാര്‍ പരിഭ്രാന്തരായി. തിക്കിലും തിരക്കിലും പെട്ടാണ് 30 പേര്‍ക്ക് പരിക്കേറ്റത്. ഹെലിക്കോപ്റ്ററുകളും ബോട്ടുകളും ഉപയോഗിച്ചാണ് തീരസംരക്ഷണ സേന അപകടത്തില്‍ പെട്ടവരെ രക്ഷപെടുത്തിയത്.
പ്രതികരിക്കാൻ ഇവിടെ എഴുതുക: