ചാലക്കുടി: ഭാരതീയ വിദ്യാനികേതന്‍ എട്ടാമത്‌ സംസ്ഥാന കലോല്‍സവത്തിനു ചാലക്കുടി വ്യാസ വിദ്യാനികേതന്‍ സീനിയര്‍ സെക്കന്‍ഡറി സ്കൂളില്‍ തിരശ്ശീല ഉയര്‍ന്നു. നാടിന്‌ പുളകച്ചാര്‍ത്തായി നടന്ന സാംസ്കാരിക ഘോഷയാത്ര കലോല്‍സവത്തിന്‌ വിളംബരമായി. തെയ്യം, തിറ, നാടന്‍ കലാരൂപങ്ങള്‍, പഞ്ചവാദ്യം, പഞ്ചാരിമേളം, കരകാട്ടം, ചിന്തുപാട്ട്‌, കാളകളി, നാടന്‍ കലാരൂപങ്ങള്‍, നിശ്ചലദൃശ്യങ്ങള്‍ എന്നിവയ്‌ക്കൊപ്പം ആയിരങ്ങള്‍ അണിനിരന്ന ഘോഷയാത്ര നാടുണര്‍ത്തി.
എസ്‌ഐ പി. ലാല്‍കുമാര്‍ ഘോഷയാത്രയുടെ ഉദ്ഘാടനം നിര്‍വഹിച്ചു. കണ്ണമ്പുഴ ക്ഷേത്രം മേല്‍ശാന്തി തെക്കേടത്ത്‌ ശങ്കരന്‍ നമ്പൂതിരി ദീപം തെളിയിച്ചു. നഗരസഭ ചെയര്‍മാന്‍ വി.ഒ. പെയിലപ്പന്‍, സംസ്ഥാന സംഘടന സെക്രട്ടറി എ.സി.ഗോപിനാഥ്‌, ജി. പത്മനാഭന്‍, പി.കെ. സുബ്രഹ്മണ്യന്‍, ടി.എന്‍. രാമന്‍, യു. പ്രഭാകരന്‍, കെ.പി. ഹരിദാസ്‌, എന്‍. കുമാരന്‍, സ്കൂള്‍ പ്രിന്‍സിപ്പല്‍ രാജി പി. നായര്‍, ടി.സി. സേതുമാധവന്‍, എം.വി. രവി, കെ.എം. ഹരിനാരായണന്‍ എന്നിവര്‍ ഘോഷയാത്രയ്‌ക്ക്‌ നേതൃത്വം നല്‍കി. തുടര്‍ന്ന്‌ കലോല്‍സവം സിനിമാതാരങ്ങളായ പത്മശ്രീ സുകുമാരി, കലാഭവന്‍ മണി എന്നിവര്‍ ചേര്‍ന്ന്‌ ഉദ്ഘാടനം ചെയ്തു. രാഷ്‌ട്രീയ സ്വയംസേവക സംഘം സംസ്ഥാന സേവാപ്രമുഖ്‌ ജി. പത്മനാഭന്‍ ദീപം തെളിയിച്ചു. സ്കൂള്‍ കെജി ബ്ലോക്ക്‌ ‘വൃന്ദാവനം’ ഉദ്ഘാടനം വിദ്യാഭാരതി അഖിലഭാരതീയ സംഘടനകാര്യദര്‍ശി ജെ.എം.കാശിപതി നിര്‍വഹിച്ചു. സംസ്ഥാന അദ്ധ്യക്ഷന്‍ ഡോ.ആര്‍.രവീന്ദ്രന്‍പിള്ള അധ്യക്ഷത വഹിച്ചു.
പൊതുസമ്മേളനം ബി.ഡി.ദേവസ്സി എം.എല്‍.എ. ഉദ്ഘാടനം ചെയ്തു. ശിശുവാടിക മന്ദിരത്തില്‍ ചുമര്‍ ചിത്രങ്ങള്‍ തയ്യാറാക്കിയ പി.കെ. സുനില്‍, ജെനീഷ്‌, മന്ദിരത്തിന്റെ കോണ്‍ട്രാക്ടര്‍മാര്‍ മനോജ്‌ ആദിത്യ, സംസ്ഥാന കലോത്സവത്തിന്‌ ലോഗോ തയ്യാറാക്കിയ കമലന്‍ എന്നിവരെ സ്വാഗതസംഘം ചെയര്‍മാന്‍ ഡോ. പി. ഗൗരീശങ്കര്‍ ആദരിച്ചു. സംസ്ഥാന സെക്രട്ടറി എന്‍.സി.ടി. രാജഗോപാല്‍, സ്വാഗത സംഘം ജനറല്‍ കണ്‍വീനര്‍ കെ.പി.ഹരിദാസ്‌, നഗരസഭ ചെയര്‍മാന്‍ വി.ഒ.പെയിലപ്പന്‍ നഗരസഭ കൗണ്‍സിലര്‍ സരള നീലങ്കാട്ടില്‍, വ്യാസ വിദ്യാനികേതന്‍ പ്രിന്‍സിപ്പാള്‍ പി.രാജി, ടി.ആര്‍.രാജു, അജിത ഹനീഫ, ജഗദ്ഗുരുട്രസ്റ്റ്‌ ചെയര്‍മാന്‍ പി.കെ.സുബ്രഹ്മണ്യന്‍, സ്വാഗത സംഘം വര്‍ക്കിങ്ങ്‌ ചെയര്‍മാന്‍ എന്‍.കുമാരന്‍ എന്നിവര്‍ പ്രസംഗിച്ചു. തുടര്‍ന്ന്‌ പത്ത്‌ വേദികളിലായി മല്‍സരങ്ങള്‍ ആരംഭിച്ചു.
സ്വന്തം ലേഖകന്‍
പ്രതികരിക്കാൻ ഇവിടെ എഴുതുക: