ലണ്ടന്‍: സുഹൃത്തുക്കള്‍ക്കൊപ്പം പുതുവത്സരം ആഘോഷിക്കാനെത്തിയ ഇന്ത്യന്‍ വംശജനെ മാഞ്ചസ്റ്ററില്‍ കാണാതായി. ഗുര്‍ദീപ്‌ ഹായര്‍ എന്ന 20 വയസുകാരനെയാണ് കാണാതായത്. ലങ്കാസ്റ്ററില്‍ വിദ്യാര്‍ത്ഥിയായിരുന്ന പൂനെ സ്വദേശി അനൂജ്‌ ബിദ്‌വെ അക്രമികളുടെ വെടിയേറ്റ്‌ മരിച്ച സ്ഥലത്ത്‌ നിന്ന് 16 കിലോമീറ്റര്‍ അകലെയുള്ള സ്ഥലത്ത്‌ നിന്നാണ്‌ ഗുര്‍ദീപിനെ കാണാതായത്.
ഡിസംബര്‍ 31 ന് സുഹൃത്തുക്കള്‍ക്കൊപ്പം പുതുവത്സരം ആഘോഷിക്കാന്‍ പടിഞ്ഞാറന്‍ ബോംവിച്ചില്‍ നിന്ന് മാഞ്ചസ്റ്ററിലേക്ക്‌ വന്നതായിരുന്നു ഗുര്‍ദീപ്‌. മാഞ്ചസ്റ്ററിലെ ഫാലോഫീല്‍ഡിലാണ്‌ ഗുര്‍ദീപ്‌ സുഹൃത്തുക്കള്‍ക്കൊപ്പം താമസിച്ചിരുന്നത്‌. ജനുവരി രണ്ടാം തീയതിക്ക്‌ ശേഷം ഗുര്‍ദീപിനെ കാണാതായതായാണ്‌ പോലീസ്‌ പറയുന്നത്‌.
മാഞ്ചസ്റ്ററിലെ സാങ്കിയിലേക്ക്‌ പോയ ഗുര്‍ദീപ്‌ പിന്നീട്‌ താമസസ്ഥലത്ത്‌ മടങ്ങിയെത്തിയില്ലെന്നാണ്‌ സുഹൃത്തുക്കള്‍ പറയുന്നത്‌. ഗുര്‍ദീപിനെ കണ്ടെത്തുന്നതിന്‌ പോലീസ്‌ അദ്ദേഹത്തിന്റെ ചിത്രം പത്രങ്ങളില്‍ പ്രസിദ്ധീകരിച്ചിട്ടുണ്ട്‌.
പ്രതികരിക്കാൻ ഇവിടെ എഴുതുക: