‘ലൗ ജിഹാദ്‌’ ഇപ്പോഴും സജീവമാണെന്ന ഹിന്ദു ഐക്യവേദിയുടെ വെളിപ്പെടുത്തല്‍ ഇത്‌ കെട്ടുകഥയായിരുന്നില്ല എന്ന്‌ തെളിയിക്കുകയാണ്‌. അന്യമതക്കാരികളായ പെണ്‍കുട്ടികളെ പ്രണയത്തിലൂടെ ഇസ്ലാംമതത്തിലേക്ക്‌ പരിവര്‍ത്തനം ചെയ്യുന്നതില്‍ മൊബെയില്‍ ഫോണിനും ഒരു പ്രധാന പങ്കുണ്ട്‌.
ഡിജിപിയുടെ കണക്കുപ്രകാരം 3000 മുതല്‍ 4000 പേരെവരെ മതംമാറ്റിയതായും കണ്ണൂര്‍, കോഴിക്കോട്‌, മലപ്പുറം ജില്ലകളില്‍ 1600 മതംമാറ്റങ്ങള്‍ നടത്തിയിട്ടുണ്ടെന്നും വ്യക്തമായി. ഗള്‍ഫ്‌ രാജ്യങ്ങളില്‍നിന്നും ഈ പ്രക്രിയക്ക്‌ ധനസഹായം ലഭിക്കുന്നു. കുറ്റിപ്പുറം, മലപ്പുറം റെയില്‍വേസ്റ്റേഷനുകളില്‍ മൊബെയില്‍ പ്രണയത്തില്‍ കുടുങ്ങിയ പെണ്‍കുട്ടികള്‍ എത്തിപ്പെടുന്നതും ലൗ ജിഹാദിന്റെ ഇരകളായിട്ടാണ്‌. എന്നിട്ടും ലൗ ജിഹാദിന്‌ തെളിവുകളില്ലെന്നാണ്‌ പോലീസ് നിലപാട്‌. തീവ്രവാദികള്‍ക്ക്‌ പോലീസിലുള്ള സ്വാധീനത്തിന്റെ തെളിവാണ്‌ കാസര്‍കോട്‌ കലാപം, നാദാപുരം കലാപം, മാറാട്‌ കലാപം മുതലായവയുമായി ബന്ധപ്പെട്ട കേസുകള്‍ പിന്‍വലിക്കപ്പെടുന്നത്‌ യുഡിഎഫിലെ മുഖ്യഘടകകക്ഷിയായ മുസ്ലീംലീഗിന്റെ സമ്മര്‍ദ്ദവും ഇതിന്‌ പിന്നിലുണ്ട്‌.
കേരളത്തിലെ സാമൂഹികരംഗം അധഃപതനത്തിലേക്ക്‌ കുതിക്കുകയാണ്‌. കാമുകനുമായി ചേര്‍ന്ന്‌ സ്വന്തം ഭര്‍ത്താവിനെ കൊലപ്പെടുത്തുന്ന ഭാര്യമാരും മദ്യപിച്ച്‌ ഭാര്യമാരെ കൊല്ലുന്ന ഭര്‍ത്താക്കന്മാരും വര്‍ധിച്ചുവരുന്ന കേരളത്തില്‍ ദാമ്പത്യബന്ധങ്ങള്‍ ശിഥിലമായിക്കൊണ്ടിരിക്കുന്നു. ഈവിധം കലുഷിതമായ കുടുംബങ്ങളിലെ പെണ്‍കുട്ടികള്‍ മൊബെയില്‍ പ്രണയത്തില്‍ കുടുങ്ങി ലൗ ജിഹാദിന്റെ ഇരകളായി മാറുന്നു. ഇപ്പോള്‍ സ്ത്രീകളെയും ചാവേറുകളാക്കാന്‍ താലിബാന്‍ ട്രെയിനിംഗ്‌ നല്‍കുകയാണ്‌. ലൗ ജിഹാദില്‍ കുടുങ്ങി മദ്രസകളിലും ചുവന്ന തെരുവുകളില്‍പ്പോലും പെണ്‍കുട്ടികള്‍ എത്തുമ്പോള്‍ താലിബാന്‍ ചാവേറുകളായും ഇവര്‍ രൂപാന്തരപ്പെടുമോ എന്ന ആശങ്കയും സ്വാഭാവികം. ഈ പ്രവണതക്കെതിരെ ഹൈന്ദവ, ക്രിസ്ത്യന്‍ സംഘടനകള്‍ സജീവമാണ്‌. കേരളത്തെ ഇസ്ലാമിക രാജ്യമാക്കി മാറ്റാന്‍ ഇസ്ലാം ഭീകരസംഘടന പ്രവര്‍ത്തിക്കുന്നതായി മുന്‍മുഖ്യമന്ത്രി അച്യുതാനന്ദനും പ്രസ്താവിച്ചിരുന്നതാണല്ലോ.
പ്രതികരിക്കാൻ ഇവിടെ എഴുതുക: