ശിവഗിരി ശ്രീശാരദാദേവി പ്രതിഷ്ഠാ ശതാബ്ദി ആഘോഷം

ആലുവ: ശിവഗിരി ശ്രീശാരദാദേവി പ്രതിഷ്ഠാ ശതാബ്ദി ആഘോഷം എറണാകുളം ജില്ലാ സമ്മേളനം 11ന്‌ ആലുവ അദ്വൈതാശ്രമത്തില്‍ നടക്കും. രാവിലെ 9ന്‌ മന്ത്രി കെ.ബാബു ഉദ്ഘാടനം ചെയ്യും. ചെയര്‍മാന്‍ എം.എന്‍.ചന്ദ്രന്‍ അധ്യക്ഷത വഹിക്കും. ശിവഗിരി മഠാധിപതി സ്വാമി പ്രകാശാനന്ദ ഭദ്രദീപ പ്രകാശനം നടത്തും. അദ്വൈതാശ്രമം സെക്രട്ടറി സ്വാമി ശിവസ്വരൂപാനന്ദ അനുഗ്രഹപ്രഭാഷണം നടത്തും. എംപിമാരായ കെ.പി.ധനപാലന്‍, പി.ടി.തോമസ്‌, അന്‍വര്‍സാദത്ത്‌ എംഎല്‍എ, നഗരസഭാ ചെയര്‍മാന്‍ എം.ടി.ജേക്കബ്‌, എം.വി.മനോഹരന്‍, സൈന സുബ്രഹ്മണ്യന്‍ എന്നിവര്‍ പ്രസംഗിക്കും.
ശാരദാപ്രതിഷ്ഠാ ശതാബ്ദി ആഘോഷക്കമ്മറ്റി സെക്രട്ടറി സ്വാമി സച്ചിദാനന്ദ ശാരദാ പ്രതിഷ്ഠാ സന്ദേശം നല്‍കും. 2.30 ന്‌ ജനനീനവരത്ന മഞ്ജരി എന്ന വിഷയത്തില്‍ ഡോ. ഗീത സുരാജ്‌ ക്ലാസെടുക്കും. പി.സി.ബിബിന്‍, പി.ഡി.സുരേഷ്‌ എന്നിവര്‍ നേതൃത്വം നല്‍കും.