തിരുവനന്തപുരം : ആരോഗ്യ വകുപ്പിനുളള പണം വെട്ടിക്കുറച്ചിട്ടില്ലെന്ന് ധനമന്ത്രി കെ എന്‍ ബാലഗോപാല്‍. അധിക പണമാണ് മരുന്നിനും മറ്റ് കാര്യങ്ങള്‍ക്കും നല്‍കുന്നത്.
ആരോഗ്യവകുപ്പിന് നല്‍കുന്ന പണം സംബന്ധിച്ച വിവരങ്ങള്‍ ധനവകുപ്പ് പുറത്ത് വിടുമെന്നും മന്ത്രി പറഞ്ഞു.
2021- 22 കാലയളവുമായി നോക്കുമ്പോള്‍ ഇപ്പോള്‍ 137 ശതമാനം അധികം പണം നല്‍കുന്നു. മരുന്നിനും മറ്റ് ആരോഗ്യ ഉപകരണങ്ങള്‍ക്കും വെട്ടി കുറവില്ല. ബജറ്റില്‍ വകയിരുത്തുന്ന തുകയെക്കാളും അധികമാണ് ചിലവിടുന്നതെന്ന് ധനമന്ത്രി വെളിപ്പെടുത്തി.പ്ലാന്‍ ഫണ്ടിന് പുറമേയും പണം നല്‍കുന്നു.
ചിലവ് വര്‍ദ്ധിക്കുന്നു.10 മെഡിക്കല്‍ കോളേജ് ആരംഭിച്ചു. മുന്‍ സര്‍ക്കാര്‍ മെഡിക്കല്‍ കോളേജ് പ്രഖ്യാപിച്ചതേയുളളൂ. അവിടെ പ്രവര്‍ത്തനം തുടങ്ങിയത് ഒന്നാം പിണറായി സര്‍ക്കാരാണ് -കെ എന്‍ ബാലഗോപാല്‍ പറഞ്ഞു.
പ്രതികരിക്കാൻ ഇവിടെ എഴുതുക: