ആലപ്പുഴ : സൂംബ ഡാന്‍സിനെ എസ് എന്‍ ഡി പി യോഗം പൂര്‍ണമായുംപിന്തുണയ്‌ക്കുന്നുവെന്ന് വെള്ളാപ്പള്ളി നടേശന്‍.മുസ്ലീം സമുദായത്തിലെ ഒരു വിഭാഗം നേതൃത്വം ഇതിനെ എതിര്‍ക്കുന്ന നിലപാട സ്വീകരിക്കുന്ന നിലപാട് ശരിയല്ല. വെറുതെ പ്രശ്‌നങ്ങള്‍ ഉണ്ടാക്കുകയാണ്.
സൂംബയുമായി സര്‍ക്കാര്‍ മുന്നോട്ട് പോകണം. മത രാജ്യമോ മത സംസ്ഥാനമോ സൃഷ്ടിക്കാന്‍ ശ്രമമെന്ന് ആരെങ്കിലും പറഞ്ഞാല്‍ തെറ്റ് പറയാന്‍ കഴിയില്ലെന്ന് വെള്ളാപ്പള്ളി വിമര്‍ശിച്ചു. നിലമ്പൂര്‍ തെരഞ്ഞെടുപ്പില്‍ യുഡിഎഫ് വിജയിച്ചത് അംഗീകരിക്കണം.ലീഗും കോണ്‍ഗ്രസും ഒരുമിച്ച് നിന്നു.
എല്‍ഡിഎഫ് തോറ്റു എന്ന് പറയാനാവില്ലെന്നും നല്ല വോട്ട് നേടിയെന്നും വെളളാപ്പളളി പറഞ്ഞു. അന്‍വറിന്റെ ശക്തി തിരിച്ചറിഞ്ഞു.അന്‍വര്‍ നേടിയ വോട്ടുകള്‍ ചെറുതായി കാണാന്‍ ആവില്ല. അന്‍വര്‍ പാര്‍ടിക്ക് വിധേയമായാല്‍ അംഗമാക്കാമെന്ന കോണ്‍ഗ്രസ് നിലപാട് നല്ലത്.സമീപ കാലത്ത് യുഡിഎഫ് എടുത്ത ഉറച്ച തീരുമാനമാണിത്. നിലമ്പൂര്‍ വിജയം വിഡി സതീശന്റെ വിജയമല്ല. കൂട്ടായ്മയുടെ ജയമെങ്കിലും അവകാശം ലീഗിനാണ്. നിലമ്പൂര്‍ നിയമസഭ തെരഞ്ഞെടുപ്പിന്റെ വിലയിരുത്തലല്ല.നിലമ്പൂര്‍ കിട്ടിയെന്ന് പറഞ്ഞ് കേരളം മുഴുവന്‍ കിട്ടില്ല.
മേജറും ക്യാപ്റ്റനുമൊക്കെ അവര്‍ തീരുമാനിച്ച് അണ്ണനും തമ്പിയും കളിക്കട്ടെ. കോണ്‍ഗ്രസില്‍ ഒരു ലക്ഷം ഗ്രൂപ്പാണ്.കാണാന്‍ പോകുന്ന പൂരം കാത്തിരിക്കാമെന്നും വെള്ളാപ്പള്ളി പറഞ്ഞു.
പ്രതികരിക്കാൻ ഇവിടെ എഴുതുക: