തിരുവനന്തപുരം: സ്‌കൂള്‍ കുട്ടികള്‍ ഇനി ബസ് യാത്രാ ഇളവിനായി കടലാസ് കാര്‍ഡുമായി നടക്കേണ്ട. വിദ്യാര്‍ത്ഥികള്‍ക്ക് കെഎസ്ആര്‍ടിസി ബസുകളില്‍ ഡിജിറ്റല്‍ കണ്‍സഷന്‍ കാര്‍ഡുകള്‍ ഏര്‍പ്പെടുത്തുമെന്ന് ഗതാഗത മന്ത്രി കെ.ബി.ഗണേഷ് കുമാര്‍ അറിയിച്ചു. ഇരുപതു ദിവസത്തിനുള്ളില്‍ പദ്ധതി നടപ്പാക്കും. ഒന്നാം ക്‌ളാസ് മുതല്‍ പ്‌ളസ് ടു വരെയുള്ള കുട്ടികള്‍ക്ക് രണ്ടുവര്‍ഷത്തേയ്‌ക്കായിരിക്കും ഒരു കാര്‍ഡ് നല്‍കുക. രണ്ടാം വര്‍ഷം കണ്ടക്ടറുടെ കൈവശം കൊടുത്ത് റീചാര്‍ജ് ചെയ്യാനാവും. നേരത്തെ 150 രൂപ കൊടുത്ത് വാങ്ങിയിരുന്ന കടലാസ് കാര്‍ഡ് ഇനി സൗജന്യമായിരിക്കുമെന്നും മന്ത്രി പറഞ്ഞു. ഒരു മാസം ഇരുപത്തഞ്ചു ദിവസം കാര്‍ഡ് ഉപയോഗിച്ച് യാത്ര ചെയ്യാം. ദൂര സ്ഥലങ്ങളില്‍ നിന്ന് വരുന്ന വിദ്യാര്‍ത്ഥികള്‍ക്ക് ബസ് മാറി കയറുന്നതിനും പ്രശ്‌നമില്ല. ഈ കാര്‍ഡു തന്നെ കാണിച്ചാല്‍ മതിയാകും. കാര്‍ഡ് സൂക്ഷിക്കണമെന്നു മാത്രം. കളഞ്ഞു പോയാല്‍ ഡ്യൂപ്‌ളിക്കേറ്റ് എടുക്കേണ്ടിവരും.
കടലാസ് കാര്‍ഡേ വിട, കെഎസ്ആര്‍ടിസി ബസുകളില്‍ സ്റ്റുഡന്‌റ് കണ്‍സഷന്‍ കാര്‍ഡുകളും ഡിജിറ്റലാവുന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: