ടെഹ്റാൻ : ഇസ്രായേലും ഇറാനും തമ്മിലുള്ള പോരാട്ടം ഒറ്റരാത്രികൊണ്ട് ശക്തമായി. ഇരു രാജ്യങ്ങളും ആക്രമണം തുടരുകയാണ്. പഴയ ശത്രുക്കൾ തമ്മിലുള്ള ഏറ്റവും വലിയ യുദ്ധം ഇപ്പോൾ കൂടുതൽ വ്യാപകമായ ഒരു പ്രാദേശിക സംഘർഷത്തിലേക്ക് നയിച്ചേക്കാമെന്ന ആശങ്ക ലോകമെമ്പാടും ഉയർത്തിയിട്ടുണ്ട്.
അതേ സമയം ഇസ്രായേലിന്റെ ആക്രമണത്തിൽ രണ്ട് കശ്മീരി വിദ്യാർത്ഥികൾക്ക് പരിക്കേറ്റതായി റിപ്പോർട്ടുകൾ പറയുന്നു. ഈ സാഹചര്യത്തിൽ ഇസ്രായേലുമായുള്ള യുദ്ധത്തിനിടെ ഇറാനിൽ കുടുങ്ങിയ ഇന്ത്യക്കാരെ സുരക്ഷിതമായി ഒഴിപ്പിക്കുമെന്ന് വിദേശകാര്യ മന്ത്രാലയം അറിയിച്ചു.
ഇതിനായി ഇന്ത്യൻ സർക്കാർ ഒരു ഓപ്പറേഷൻ ആരംഭിക്കാൻ പോകുകയാണ്. നിലവിൽ ഇറാനിൽ 10,000 ഇന്ത്യക്കാരുണ്ട്, അവരിൽ വലിയൊരു വിഭാഗം ഇന്ത്യൻ വിദ്യാർത്ഥികളാണ്, അവർ ഇറാനിലെ വിവിധ മെഡിക്കൽ, മത സ്ഥാപനങ്ങളിൽ പഠിച്ചുകൊണ്ടിരുന്നു. അസർബൈജാൻ, തുർക്ക്മെനിസ്ഥാൻ, അഫ്ഗാനിസ്ഥാൻ അതിർത്തികൾ വഴി അവരെ ഒഴിപ്പിക്കാനാണ് കേന്ദ്രസർക്കാർ പദ്ധതിയിടുന്നത്. ഇന്ത്യക്കാർ ഉൾപ്പെടെയുള്ള വിദേശ പൗരന്മാരെ സുരക്ഷിതമായി അവരുടെ രാജ്യത്തേക്ക് അയയ്‌ക്കാൻ ഇറാൻ സർക്കാരും സമ്മതിച്ചിട്ടുണ്ട്.
അതേ സമയം ഇറാൻ വെടിനിർത്തലിന് വിസമ്മതിച്ച അവസ്ഥയാണുള്ളത്. തുടർന്ന് ഇസ്രായേൽ ആക്രമണം ശക്തമാക്കുകയും ചെയ്തു.
പ്രതികരിക്കാൻ ഇവിടെ എഴുതുക: