തിരുവനന്തപുരം: വിദ്യാര്‍ത്ഥിനികളെ ക്ലാസ് മുറിയില്‍ പൂട്ടിയിട്ട് അധ്യാപിക ഏത്തമിടിപ്പിച്ചു. നഗരത്തിലെ കോട്ടണ്‍ഹില്‍ ഗേള്‍സ് ഹൈസ്‌കൂളില്‍ കഴിഞ്ഞ ചൊവ്വാഴ്ചയായിരുന്നു സംഭവം.
വൈകിട്ട് ക്ലാസ് കഴിഞ്ഞ് ദേശീയഗാനം ആലപിക്കുന്നതിനിടെ കുട്ടികള്‍ ക്ലാസില്‍ നിന്ന് പുറത്തിറങ്ങിയതാണ് അധ്യാപിക ശിക്ഷിക്കാന്‍ കാരണം.
ഒമ്പതാം ക്ലാസ് വിദ്യാര്‍ഥിനികളെയാണ് അധ്യാപിക ക്ലാസ് മുറി പൂട്ടിയിട്ട ശേഷം എത്തമിടിച്ചത്. ദേശീയഗാനം ആലപിക്കുന്നതിനിടെ ക്ലാസില്‍ നിന്ന് പുറത്തിറങ്ങിയ വിദ്യാര്‍ഥിനികളെ ക്ലാസിലേക്ക് വിളിച്ചുവരുത്തി മുറി അകത്ത് നിന്ന് പൂട്ടിയെന്ന് വിദ്യാര്‍ത്ഥികള്‍ പറയുന്നു. തുടര്‍ന്ന് ഏത്തമിടീപ്പിച്ചു. പത്ത് മിനിട്ട് കഴിഞ്ഞാണ് പുറത്ത് വിട്ടത്. അപ്പോഴേക്കും സ്‌കൂള്‍ ബസ് വിട്ടു പോയി. രക്ഷിതാക്കള്‍ പ്രതിഷേധവുമായി രംഗത്തെത്തി. തുടര്‍ന്ന് സ്‌കൂളിലെ പ്രധാനാധ്യാപിക കുട്ടികള്‍ക്ക് ബസ് ടിക്കറ്റിന് പണം നല്‍കി പറഞ്ഞു വിടുകയായിരുന്നു.
തനിക്ക് പറ്റിയ തെറ്റില്‍ അധ്യാപിക ഖേദം പ്രകടിപ്പിച്ചു.
പ്രതികരിക്കാൻ ഇവിടെ എഴുതുക: