മുനമ്പത്ത് യുവാവ് കൊല്ലപ്പെട്ട സംഭവം; സുഹൃത്ത് അറസ്റ്റില്‍

കൊച്ചി: മുനമ്പത്ത് യുവാവ് കൊല്ലപ്പെട്ട സംഭവത്തില്‍ സുഹൃത്തിനെ അറസ്റ്റ് ചെയ്തു. കൊല്ലപ്പെട്ട യുവാവിന്റെ സുഹൃത്തായ സനീഷ് ആണ് അറസ്റ്റിലായത്.

ശനിയാഴ്ചയാണ് യുവാവിനെ മരിച്ച നിലയില്‍ കണ്ടെത്തിയത്. മുനമ്പം സ്വദേശി സിനു (44) ആണ് മരിച്ചത്. വീടിന്റെ കാര്‍ ഷെഡിലാണ് യുവാവിനെ മരിച്ച നിലയില്‍ കണ്ടെത്തിയത്. വീട്ടില്‍ ഇയാള്‍ ഒറ്റയ്‌ക്കാണ് താമസിച്ചു വന്നത്.

പ്രതിയുടെ സാമ്പത്തിക ബാധ്യത തീര്‍ക്കാനാണ് കൊലപാതകമെന്നാണ് വിവരം. മഴു ഉപയോഗിച്ച് തലയില്‍ വെട്ടി കൊലപ്പെടുത്തുകയായിരുന്നുവെന്ന് പൊലീസ് അറിയിച്ചു.