ലഖ്‌നൗ : തമിഴ്നാട്ടിൽ ഉൾപ്പെടെയുള്ള ഭാഷാ രാഷ്‌ട്രീയത്തെ വിമർശിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. ഈ വിഷയത്തെ മുന്നോട്ട് കൊണ്ടുപോകുന്ന സംസ്ഥാനങ്ങൾ രാജ്യത്ത് ക്രമേണ കുറഞ്ഞ് വരികയാണെന്നും അദ്ദേഹം പി.ടി.ഐ.ക്ക് നൽകിയ അഭിമുഖത്തിൽ പറഞ്ഞു.
എന്നാൽ ഇത്തരം ഇടുങ്ങിയ രാഷ്‌ട്രീയം പേറുന്ന നേതാക്കൾ യുവാക്കളുടെ പ്രതീക്ഷകൾക്ക് ദോഷം ചെയ്യുമെന്നും ആദിത്യനാഥ് പറഞ്ഞു. ഉത്തർപ്രദേശിൽ വലിയ തൊഴിലവസരങ്ങൾ സൃഷ്ടിക്കപ്പെടുന്നുണ്ടെന്നും അദ്ദേഹം പറഞ്ഞു. ഭാഷയെച്ചൊല്ലി വിവാദം സൃഷ്ടിക്കുന്ന ആളുകൾക്ക് അവരുടെ രാഷ്ട്രീയ താൽപ്പര്യങ്ങൾ നേടിയെടുക്കാൻ കഴിയും, പക്ഷേ ഒരു തരത്തിൽ യുവാക്കൾക്ക് തൊഴിലവസരങ്ങൾക്ക് ഒരു പ്രഹരം ഏൽപ്പിക്കുന്നുവെന്നും മുഖ്യമന്ത്രി പറഞ്ഞു.
തമിഴ്, തെലുങ്ക്, മലയാളം, കന്നഡ, ബംഗാളി, മറാത്തി തുടങ്ങിയ ഭാഷകൾക്ക് ദേശീയ ഐക്യത്തിന്റെ മൂലക്കല്ലായി മാറാൻ കഴിയുമെന്ന് ആദിത്യനാഥ് പറഞ്ഞു. ഉത്തർപ്രദേശ് സർക്കാർ തമിഴ്, തെലുങ്ക്, മലയാളം, കന്നഡ, ബംഗാളി, മറാത്തി തുടങ്ങിയ ഭാഷകൾ വിദ്യാർത്ഥികൾക്ക് പഠിപ്പിക്കുന്നുണ്ടെന്ന് അദ്ദേഹം പറഞ്ഞു. ഇത് ഉത്തർപ്രദേശിനെ ഏതെങ്കിലും വിധത്തിൽ കുറയ്‌ക്കുന്നുണ്ടോ ഇത് യുപിയെ ചെറുതാക്കുന്നുണ്ടോ എന്നും അദ്ദേഹം ചോദിച്ചു.
ഹിന്ദിയെ ബഹുമാനിക്കണമെന്ന് എല്ലാവരും വിശ്വസിക്കുന്നു. ഇന്ത്യ ത്രിഭാഷാ സൂത്രവാക്യം സ്വീകരിച്ചിട്ടുണ്ടെന്ന് മുഖ്യമന്ത്രി പറഞ്ഞു. ഈ ത്രിഭാഷാ സൂത്രവാക്യം പ്രാദേശിക ഭാഷകൾക്കും അതേ ബഹുമാനം ലഭിക്കുന്നുണ്ടെന്ന് ഉറപ്പാക്കുന്നു. ഓരോ ഭാഷയ്‌ക്കും അതിന്റേതായ പ്രത്യേകതയുണ്ട്, അത് ദേശീയ ഐക്യത്തിന്റെ മൂലക്കല്ലായി മാറുന്നുവെന്നും ആദിത്യനാഥ് പറഞ്ഞു.
കൂടാതെ ഓരോ പ്രാദേശിക ഭാഷയ്‌ക്കും അതിന്റേതായ നാടോടി പാരമ്പര്യങ്ങളും കഥകളും രാജ്യത്തിന്റെ വൈവിധ്യത്തെ പുറത്തുകൊണ്ടുവരികയും അതിനെ ശക്തിപ്പെടുത്തുകയും ചെയ്യുന്നുണ്ടെന്ന് അദ്ദേഹം പറഞ്ഞു. ഇന്ത്യയിലെ ഏറ്റവും പഴക്കമുള്ള ഭാഷകളായ തമിഴും സംസ്കൃതവും ഒരുമിച്ച് കൊണ്ടുവരുന്നതിനാൽ കാശി തമിഴ് സംഗമം സംരംഭം ഇതിന് ഏറ്റവും മികച്ച ഉദാഹരണമാണെന്ന് ആദിത്യനാഥ് കൂട്ടിച്ചേർത്തു.
പ്രതികരിക്കാൻ ഇവിടെ എഴുതുക: