തിരുവനന്തപുരം: പത്താം ക്ലാസുകാരിയെ പീഡിപ്പിച്ച ട്യൂഷന്‍ അധ്യാപകന് 10 വര്‍ഷം തടവും 50000 രൂപ പിഴയും. വര്‍ക്കല അതിവേഗ കോടതിയാണ് വിധി പറഞ്ഞത്.
നാവായിക്കുളം രാഗഭവന്‍ വീട്ടില്‍ കണ്ണപ്പനെന്ന രാജേന്ദ്രന്‍ നായരെ (74) യാണ് ശിക്ഷിച്ചത്. 2020ല്‍ കല്ലമ്പലം പൊലീസ് രജിസ്റ്റര്‍ ചെയ്ത കേസിലാണ് വിധി വന്നത്.
കുട്ടി രക്ഷാകര്‍ത്താക്കളോട് പീഡന വിവരം പറയുകയും തുടര്‍ന്നുള്ള പരാതിയില്‍ പൊലീസ് പോക്‌സോ വകുപ്പ് പ്രകാരം കേസെടുക്കുകയുമായിരുന്നു.
പോക്‌സോ ആക്ട് 9(എല്‍), 9(പി) വകുപ്പുകള്‍ പ്രകാരം അഞ്ച് വര്‍ഷം വീതം 10 വര്‍ഷം തടവും 25000 രൂപ വീതം 50,000 രൂപ പിഴയുമാണ് ശിക്ഷ വിധിച്ചത്. പിഴ അടച്ചില്ലെങ്കില്‍ ആറ് മാസം വീതംഅധിക തടവ് അനുഭവിക്കണം. ശിക്ഷ ഒരുമിച്ചു അനുഭവിച്ചാല്‍ മതിയാകും. പിഴ തുകയില്‍ നിന്നും 25000 രൂപ കുട്ടിക്ക് നല്‍കാനും കോടതി ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: