ഒടുവിൽ ഹമാസ് സമ്മതിച്ചു തങ്ങളുടെ സൈനിക വിഭാഗം തലവൻ മുഹമ്മദ് ദെയ്ഫ് കൊല്ലപ്പെട്ടത് : അംഗീകരിച്ചത് ഇസ്രായേൽ വധിച്ച് ആറ് മാസത്തിന് ശേഷം 

ഖാൻ യൂനിസ്: ഒടുവിൽ ഹമാസ് തങ്ങളുടെ സൈനിക വിഭാഗം തലവൻ മുഹമ്മദ് ദെയ്ഫിന്റെ മരണം സ്ഥിരീകരിച്ചു. ഇസ്രായേൽ കൊല്ലപ്പെട്ടതായി പ്രഖ്യാപിച്ച് ആറ് മാസത്തിന് ശേഷമാണ് ഭീകര സംഘടന മരണം അംഗീകരിക്കുന്നത്.

കഴിഞ്ഞ ഓഗസ്റ്റിൽ തെക്കൻ ഗാസയിൽ നടന്ന വ്യോമാക്രമണത്തിൽ ദെയ്ഫ് കൊല്ലപ്പെട്ടതായി ഇസ്രായേൽ സൈന്യം പ്രഖ്യാപിച്ചതിനുശേഷം ഹമാസ് പുറത്തിറക്കിയ ആദ്യ പ്രസ്താവനയായിരുന്നു ഇത്. ദെയ്ഫിന്റെ വധത്തെക്കുറിച്ച് മാസങ്ങളായി നിലനിൽക്കുന്ന അഭ്യൂഹങ്ങൾക്ക് വ്യാഴാഴ്ചത്തെ പ്രഖ്യാപനം പരിസമാപ്തി കുറിച്ചു.

ഗാസയിൽ യുദ്ധത്തിന് കാരണമായ ഒക്ടോബർ 7 ന് ഇസ്രായേലിനെതിരെ നടന്ന ആക്രമണത്തിന്റെ സൂത്രധാരന്മാരിൽ ഒരാളായിരുന്നു ഹമാസിന്റെ ദീർഘകാല തീവ്രവാദി നേതാവായിരുന്ന മുഹമ്മദ് ദെയ്ഫ്. വർഷങ്ങളായി ഇസ്രായേലിന്റെ മോസ്റ്റ് വാണ്ടഡ് പട്ടികയിൽ ഇയാൾ ഒന്നാമതായിരുന്നു.