പത്തനംതിട്ട : ശബരിമല കാനനപാത ബുധനാഴ്ച തീര്‍ത്ഥാടകര്‍ക്കായി തുറന്നു നല്‍കും. സത്രം മുക്കുഴി വഴിയുള്ള കാനനപാത നാളെ രാവിലെ മുതല്‍ തുറന്നു നല്‍കുമെന്ന് ജില്ലാ കളക്ടര്‍ അറിയിച്ചു.
പാത സഞ്ചാരയോഗ്യമെന്ന് വനം വകുപ്പില്‍ നിന്ന് റിപ്പോര്‍ട്ട് ലഭിച്ചതിന്റെ പശ്ചാത്തലത്തിലാണ് നടപടി.മോശം കാലാവസ്ഥ മുന്‍നിര്‍ത്തി നേരത്തെ കാനനപാതയിലൂടെയുള്ള തീര്‍ഥാടനം താത്കാലികമായി ഹൈക്കോടതി വിലക്കിയിരുന്നു .വണ്ടിപ്പെരിയാര്‍, സത്രം, പുല്‍മേട്, എരുമേലി വഴിയുള്ള തീര്‍ഥാടനമാണ് തടഞ്ഞിരുന്നത്.പ്രദേശത്ത് ഞായറാഴ്ച മുതല്‍ കനത്ത മൂടല്‍മഞ്ഞായിരുന്നു.
അതിനിടെ കോരിച്ചൊരിയുന്ന മഴയെ അവഗണിച്ച് ശബരിമലയിലേക്കുള്ള തീര്‍ഥാടകരുടെ ഒഴുക്ക് തുടരുകയാണ്. തിങ്കളാഴ്ച 86000 ലധികം തീര്‍ഥാടകര്‍ മലകയറി.
ഇതില്‍ തന്നെ 11,834 തീര്‍ഥാടകര്‍ തത്സമയ ബുക്കിംഗ് പ്രയോജനപ്പെടുത്തിയാണ് മല ചവിട്ടിയത്.
പ്രതികരിക്കാൻ ഇവിടെ എഴുതുക: