ന്യൂദല്‍ഹി : മുണ്ടക്കൈ- ചൂരല്‍മല ഉരുള്‍പൊട്ടലില്‍ സഹായം കേന്ദ്രം ഉറപ്പുനല്‍കിയെന്ന് ദല്‍ഹിയിലെ കേരളത്തിന്റെ പ്രത്യേക പ്രതിനിധി കെ.വി തോമസ്. കേന്ദ്ര ധനമന്ത്രി നിര്‍മല സീതാരാമനുമായി നടത്തിയ കൂടിക്കാഴ്ചയിലാണ് ഉറപ്പ് ലഭിച്ചതെന്ന് അദ്ദേഹം വെളിപ്പെടുത്തി.
പാര്‍ലമെന്റിലെ കേന്ദ്ര മന്ത്രിയുടെ ഓഫീസില്‍ ആയിരുന്നു കൂടിക്കാഴ്ച. സമയബന്ധിതമായി നടപടികള്‍ പൂര്‍ത്തിയാക്കുമെന്ന് നിര്‍മ്മല സീതാരാമന്‍ പറഞ്ഞതായും കെ വി തോമസ് അറിയിച്ചു.
ദുരിതം അനുഭവിക്കുന്ന കര്‍ഷകരുടെയും വിദ്യാര്‍ത്ഥികളുടെയും വായ്പ എഴുതി തള്ളണമെന്ന് ധനമന്ത്രിയോട് ആവശ്യപ്പെട്ടിട്ടുണ്ട്.2000 കോടി രൂപയുടെ പ്രത്യേക പാക്കേജ് അനുവദിക്കണമെന്നാണ് കേരളത്തിന്റെ ആവശ്യം.
പ്രതികരിക്കാൻ ഇവിടെ എഴുതുക: