കൊച്ചി:ആണ്‍സുഹൃത്ത് ബന്ധത്തില്‍ നിന്ന് പിന്‍വാങ്ങിയതിനെ തുടര്‍ന്നുണ്ടായ മാനസിക പ്രയാസത്തില്‍ പൊലീസ് സ്‌റ്റേഷനില്‍ യുവാവിന്റെ ആത്മഹത്യാ ശ്രമം.എറണാകുളം കടവന്ത്ര പൊലീസ് സ്‌റ്റേഷനിലാണ് സംഭവം.
സ്‌റ്റേഷനിലെ ശുചിമുറിയില്‍ വെച്ചാണ് കോഴിക്കോട് സ്വദേശി യുവാവ് ആത്മഹത്യക്ക് ശ്രമിച്ചത്. ഉടന്‍ തന്നെ സ്‌റ്റേഷനിലുണ്ടായിരുന്ന പൊലീസുകാര്‍ യുവാവിനെ ആശുപത്രിയിലെത്തിച്ചു.ഇയാളുടെ ആരോഗ്യനില തൃപ്തികരമാണെന്ന് പൊലീസ് അറിയിച്ചു.
എറണാകുളം പള്ളുരുത്തി സ്വദേശി യുവാവുമായി കോഴിക്കോട് സ്വദേശിയായ യുവാവ് ഒന്നരവര്‍ഷമായി അടുപ്പത്തിലായിരുന്നു. എന്നാല്‍, പള്ളുരുത്തി സ്വദേശി അടുത്തിടെ ബന്ധത്തില്‍ നിന്ന് പിന്‍വാങ്ങി. ഈ വിഷയത്തില്‍ പൊലീസ് സ്‌റ്റേഷനില്‍ പരാതിയുമായി എത്തിയ യുവാവ് ശുചിമുറിയില്‍ പോയി ആത്മഹത്യയ്‌ക്ക് ശ്രമിക്കുകയായിരുന്നുവെന്നാണ് പൊലീസ് പറയുന്നത്.
പ്രതികരിക്കാൻ ഇവിടെ എഴുതുക: