കോട്ടയം : ക്രിസ്ത്യൻ പള്ളികളും സ്ഥാപനങ്ങളും സ്വത്തുക്കളും സർക്കാർ നിയന്ത്രണത്തിലുള്ള ബോർഡിന് കീഴിലാക്കണമെന്ന് ആവശ്യപ്പെട്ട് ചങ്ങനാശ്ശേരി താലൂക്ക് മുസ്ലിം മഹല്ല് കോഡിനേഷൻ കമ്മിറ്റി .
ഹൈന്ദവ സമുദായങ്ങൾക്ക് ദേവസ്വം ബോർഡ് പോലെയും മുസ്ലീം സമുദായത്തിന് വഖഫ് ബോർഡ് പോലെയും, കേന്ദ്രസംസ്ഥാന സർക്കാരുടെ അധീനതയിൽ ക്രൈസ്‌തവ സമുദായത്തിനും ബോർഡ് രൂപീകരിക്കണം . രാജ്യത്ത് സമത്വവും സാമൂഹ്യനീതിയും നിക്ഷ്‌പക്ഷതയും ഉറപ്പാക്കണം എന്നാണ് താലൂക്ക് മഹല്ല് കോഡിനേഷൻ കമ്മറ്റിയുടെ ആവശ്യം.
കേന്ദ്ര സർക്കാരിന്റെ വഖഫ് നിയമ ഭേദഗതി ബില്ല് പിൻവലിക്കണമെന്ന് ആവശ്യപെട്ട് കേരളാ നിയമസഭ പ്രമേയം പാസ്സാക്കിയ നടപടിയെ സ്വാഗതം ചെയ്യുന്നുവെന്നും കമ്മറ്റി പറയുന്നു.അതേസമയം ഇത്തരത്തിലുള്ള ഒരു ആവശ്യം സ്വതന്ത്ര ഇന്ത്യയിൽ ക്രിസ്ത്യൻ സമുദായത്തിനെതിരെ മറ്റൊരു സമുദായം നേതൃത്വം ഉയർത്തുന്നത് ഇത് ആദ്യമായിട്ടാണെന്ന് ക്രിസ്ത്യൻ സംഘടനയായ കാസ പറയുന്നു.
കേന്ദ്രസർക്കാർ ഇതിന് തയ്യാറായില്ലെങ്കിലും പ്രത്യേക ന്യൂനപക്ഷവിഭാഗങ്ങളെ പ്രീണിപ്പെടുത്താൻ പിണാറായി സർക്കാർ ഇത് ചെയ്യുമെന്ന ആശങ്കയും കാസ ഫേസ്ബുക്ക് പോസ്റ്റിൽ പറയുന്നു.
പ്രതികരിക്കാൻ ഇവിടെ എഴുതുക: