പൂനെ: നാട്ടിലെത്തിയ ന്യൂസിലാന്‍ഡിനെതിരായ രണ്ടാം ടെസ്റ്റ് ക്രിക്കറ്റ് മത്സരം നാളെ തുടങ്ങും. ഭാരത നിരയില്‍ ഋഷഭ് പന്തും ശുഭ്മാന്‍ ഗില്ലും കളിക്കാനിറങ്ങുമെന്ന് ഉറപ്പായി. ആദ്യ ടെസ്റ്റിന് ശേഷം ഇരുവരും ഫിറ്റ്‌നസ് ആശങ്ക നേരിട്ടിരുന്നു. എന്നാല്‍ ഇരുവരും സജ്ജമാണെന്ന് ഭാരതത്തിന്റെ ഫീല്‍ഡിങ് പരിശീലകന്‍ ടെന്‍ ഡസ്ചാറ്റെ പറഞ്ഞു.
കിവീസ് നിരയില്‍ പ്രധാന ബാറ്റര്‍ കെയ്ന്‍ വില്ല്യംസണ്‍ ഈ മത്സരത്തിലും കളിക്കില്ല. ഭാരതത്തിലേക്ക് വരും മുമ്പ് ന്യൂസിലന്‍ഡിന്റെ ശ്രീലങ്കന്‍ പര്യടനത്തിനിടെയാണ് വില്ല്യംസണ്‍ പരിക്ക് നേരിട്ടത്. ആദ്യ ടെസ്റ്റില്‍ താരം കളിച്ചിരുന്നില്ല. നാട്ടിലേക്ക് മടങ്ങിയ വില്ല്യംസണ്‍ രണ്ടാം ടെസ്റ്റില്‍ കളിക്കുമെന്ന് പ്രതീക്ഷിച്ചിരുന്നു. എന്നാല്‍ ഇന്നലെ ന്യൂസിലാന്‍ഡ് ക്രിക്കറ്റ് ഇന്നലെ വാര്‍ത്താ കുറിപ്പിലൂടെയാണ് വില്ല്യംസണ്‍ കളിക്കില്ലെന്ന് അറിയിച്ചത്. പരിക്കേറ്റ താരത്തിന് സമ്പൂര്‍ണ വിശ്രമം ആവശ്യമാണെന്ന് ന്യൂസിലന്‍ഡ് ക്രിക്കറ്റ് അറിയിച്ചു.
പൂനെയിലെത്തിയ ഭാരത ടീം മത്സരം നടക്കുന്ന മഹാരാഷ്‌ട്ര ക്രിക്കറ്റ് അസോസിയേഷന്‍ സ്‌റ്റേഡിയത്തില്‍ പരിശീലനത്തിനിറങ്ങി. നെറ്റ്‌സില്‍ അടക്കം താരങ്ങള്‍ പരിശീലനത്തിലേര്‍പ്പെട്ടു. പ്രധാന പരിശീലകന്‍ ഗൗതം ഗംഭീറിന് കീഴിലുള്ള പരിശീലക സംഘം പിച്ച് പരിശോധന നടത്തി. രോഹിത് ശര്‍മയും ഒപ്പമുണ്ടായിരുന്നു.
മൂന്ന് മത്സര ടെസ്റ്റ് പരമ്പരയിലെ ആദ്യ മത്സരം ന്യൂസിലാന്‍ഡ് ജയിച്ചിരുന്നു. നിലവില്‍ 1-0ന് മുന്നിലാണ് ന്യൂസിലാന്‍ഡ്.
പ്രതികരിക്കാൻ ഇവിടെ എഴുതുക: