ഇടുക്കി:ബഹുനില കെട്ടിടത്തിന്റെ മൂന്നാം നിലയില്‍ കയറിക്കൂടിയ മൂര്‍ഖന്‍ പാമ്പിനെ പിടികൂടി. അടിമാലി ടൗണില്‍ ബസ് സ്റ്റാന്‍ഡ് ജംഗ്ഷന് സമീപമുളള ബഹുനില കെട്ടിടത്തിനുള്ളിലായിരുന്നു മൂര്‍ഖന്‍ പാമ്പ് കയറിയത്.
ആറ് വയസോളം പ്രായം വരുന്ന പാമ്പിനെയാണ് പിടികൂടിയത്. ആറടിയോളം നീളമുണ്ട്.
പിടികൂടിയ മൂര്‍ഖനെ പ്ലാംബ്ല വനത്തിലെ ഓഡിറ്റ് വണ്‍ മേഖലയില്‍ തുറന്നുവിട്ടു. പാമ്പിനെ മുറിക്കുള്ളില്‍ കണ്ടതോടെ വിവരം വനംവകുപ്പിനെ അറിയിച്ചതിനെ തുടര്‍ന്ന് അടിമാലി ഫോറസ്റ്റ് റെയ്ഞ്ച് സ്‌നേക്ക് റെസ്‌ക്യൂ സംഘവും മച്ചിപ്ലാവ് ഫോറസ്റ്റ് സ്‌റ്റേഷനിലെ ഗാര്‍ഡുമാരുമെത്തി കെട്ടിടത്തിനുള്ളില്‍ നിന്നും മൂര്‍ഖന്‍ പാമ്പിനെ പിടികൂടുകയായിരുന്നു.
പ്രതികരിക്കാൻ ഇവിടെ എഴുതുക: