ഇന്ത്യ റഷ്യ ഭായി ഭായി ! യുഎൻ രക്ഷാസമിതിയിൽ ഇന്ത്യ വേണമെന്ന നിലപാടാണ് റഷ്യയ്‌ക്കുള്ളത് ; ലാവ്‌റോവിന്റെ അഭിമുഖം ഇതിന് തെളിവ്

മോസ്കോ  : യുഎൻ രക്ഷാസമിതിയിൽ ഇന്ത്യയടക്കമുള്ള രാജ്യങ്ങൾ സ്ഥിരമായി പ്രതിനിധീകരിക്കണമെന്ന് റഷ്യയുടെ ഉന്നത നയതന്ത്രജ്ഞൻ വിശ്വസിക്കുന്നതായി റഷ്യൻ സർക്കാർ ഉടമസ്ഥതയിലുള്ള ടാസ് വാർത്താ ഏജൻസി റിപ്പോർട്ട് ചെയ്തു.

ആഗോള ഭൂരിപക്ഷത്തിന്റെ പ്രാതിനിധ്യം ഉറപ്പാക്കാൻ ഇന്ത്യയ്‌ക്ക് പുറമെ ബ്രസീൽ, ആഫ്രിക്കൻ രാജ്യങ്ങൾക്കും പ്രാതിനിധ്യം നൽകണമെന്നാണ് റഷ്യ കരുതുന്നതെന്നും ഏജൻസി പറഞ്ഞു. റഷ്യൻ വിദേശകാര്യ മന്ത്രി സെർജി ലാവ്‌റോവ് അടുത്തിടെ aif. Ru മാധ്യമത്തോട് നടത്തിയ ഒരു അഭിമുഖത്തെ പരാമർശിച്ചുകൊണ്ടാണ് ഏജൻസിയുടെ പ്രസ്താവന.

നേരത്തെ യുഎൻ രക്ഷാസമിതിയിൽ സ്ഥിരാംഗത്വത്തിനുള്ള ഇന്ത്യയുടെ ശ്രമത്തെ പിന്തുണച്ചുകൊണ്ട് കഴിഞ്ഞ മാസം ബ്രിട്ടീഷ് പ്രധാനമന്ത്രി കെയർ സ്റ്റാർമർ യുഎസ് പ്രസിഡൻ്റ് ജോ ബൈഡനും ഫ്രഞ്ച് പ്രസിഡൻ്റ് ഇമ്മാനുവൽ മാക്രോണും തങ്ങളുടെ നിലപാട് അറിയിച്ചിരുന്നു. 2021-22 വർഷങ്ങളിൽ സ്ഥിരമല്ലാത്ത അംഗമെന്ന നിലയിലാണ് ഇന്ത്യ അവസാനമായി യുഎൻ ഉന്നത സമ്മേളനത്തിൽ പങ്കെടുത്തത്.

അതേ സമയം സമകാലിക ആഗോള യാഥാർത്ഥ്യം പ്രതിഫലിപ്പിക്കുന്നതിനായി സ്ഥിരാംഗങ്ങളുടെ എണ്ണം വർദ്ധിപ്പിക്കണമെന്ന ആവശ്യം ഇതിനോടകം ഉയർന്ന് വന്നിട്ടുണ്ട്.